«ŁNR» zhodnaja na ŭvod miratvorcaŭ, kali ŭ kantynhient uvojduć rasiejcy i biełarusy
Pra heta siońnia na pres-kanfierencyi zajaviŭ kiraŭnik tak zvanaj «Łuhanskaj Narodnaj Respbliki» Ihar Płatnicki, paviedamlaje sajt Łuhanskaha infarmacyjnaha centra.
«Kali sprava dojdzie da ŭviadzieńnia miratvorčaha kantynhientu i paprosiać našaj zhody, to, viadoma ž, u pieršuju čarhu my b chacieli bačyć u roli miratvorcaŭ Rasijskuju Fiederacyju i, mahčyma, Biełaruś», - skazaŭ jon.
«Zachad nas cikavić tolki ŭ vidzie pradstaŭnikoŭ», - zaznačyŭ Płatnicki. «Na baku Ukrainy suprać nas vajujuć palaki, ispancy i inšyja. Tamu naŭrad ci jeŭrapiejskija krainy zacikaŭlenyja va ŭvodzie miratvorcaŭ».
U pačatku kastryčnika minułaha hoda ŭ intervju telekanału «Jeŭrańjus» Alaksandr Łukašenka zaznačyŭ, što razhladaje mahčymaść uviadzieńnia biełaruskich vojskaŭ na ŭschod Ukrainy ŭ jakaści miratvorcaŭ.
«Kali patrebna, a heta dla mianie niebiaśpiečnaja i strašnaja reč, kali jość niedavier Zachadu da Rasii, a Rasii – da Zachadu, i jość niedavier vajujučych bakoŭ, to ja hatovy byŭ by vykarystoŭvać svaje ŭzbrojenyja siły dla taho, kab raźvieści baki kanfliktu», - skazaŭ Łukašenka. Praŭda, potym jon abviarhaŭ hetyja słovy. Maŭlaŭ, jaho nie tak zrazumieli.
Bolšaść biełarusaŭ ličać, što Biełaruś nie pavinna być uciahnutaja ŭ hetuju vajnu ni pad jakim sousam.
Vidavočna, što na takuju prapanovu Płatnickaha nie pahodziacca i ŭkraincy. Faktyčna z boku «ŁNR» idzie prapanova lehalna ŭvieści na ich terytoryju rasiejskuju armiju.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary