Presa niapravilna interpretavała pazicyju novaha levaha ŭrada Hrecyi: jon nie źbirajecca nakładać vieta na sankcyi Jeŭrasajuza suprać Rasii. Jak paviedamlaje ahienctva Reuters, pra heta zajaviŭ novy ministr finansaŭ Hrecyi Janis Varufakis.
Jon abvierh zdahadki, što skarhi Afin z nahody zajavy ES pra Ukrainu aznačajuć hatoŭnaść hrekaŭ nakłaści vieta na padaŭžeńnie błokam sankcyj u dačynieńni da Rasiei.
Na svajoj staroncy ŭ sacyjalnych sietkach Varufakis napisaŭ, što presa niapravilna interpretavała pazicyju novaha levaha ŭrada: Afiny skardzilisia kamisaru Mahieryni na deficyt kansultacyj, a nie na samo rašeńnie ab sankcyjach.
«Całkam jasna, što pytańnie zaklučajecca nie ŭ tym, ci pahodzicca naš novy ŭrad ci nie z novymi sankcyjami suprać Rasii», — napisaŭ ministr, dadaŭšy, što Afiny nie chočuć, kab ES prymaŭ ahulnaje rašeńnie biez kansultacyj z usimi členami błoka.
Hreckaje MZS admoviłasia ad kamientaroŭ.
Kamientary