Hłava APC Mitrapalit Maskoŭski i Usierasijski Vitalij vydaŭ ukaz ab stvareńni kamisii pa padrychtoŭcy kananizacyi (carkoŭnaha prasłaŭleńnia) protapreśvitera Hleba Jakunina, jaki pamior 25 śniežnia 2014 hoda.
«Usich pakutnikaŭ naležyć ušanoŭvać, dla ŭsich treba z hatoŭnaściu admykać vusny, i słych, i dumku, kab achvotna što-niebudź skazać i pačuć pra ich, a ŭsio inšaje ličyć nižej za ich podźvih», — vučyć nas śviaščennamučanik Kipryjan Karfahienski.
Pakolki ajciec protapreśvitar Hleb Jakunin mnohimi viernikami ŭžo pry žyćci šanavaŭsia jak śviaty vyznaŭca, a taksama:
- nie vyznavaŭ nijakaj jerasi, asudžanaj da hetaha Saborami abo Ajcami (Łaod, 9,34);
- nasuprać, źjaŭlaŭsia navat da śmierci zmaharom ź sierhijanstvam, asudžanym niekatorymi cerkvami jak jeraś;
- i ŭ jakaści takoha vyznaŭcy prymaŭsia ŭ tym liku i takimi śviaciłami Pravasłaŭja, jak svc. Fiłaret (Vaźniasienski), a. Sierafim (Roŭz) i inšymi;
- i bo dziakujučy jaho chadajnictvam adbyłosia ŭsłaŭleńnie navamučanikaŭ i vyznaŭcaŭ Rasiejskich;
- i za heta svajo vyznaŭstva źviedaŭ jon ad biazbožnych uładaŭ i sierhijanaŭ hanieńni, pakuty, zaklučeńnie;
- a taksama asabliva prymajučy pad uvahu, što niešanavańnie vyznaŭcaŭ padpadaje pad anafiemu na sierhijanstva (Archirejskaha Sabora RPCZ 2004 hoda, pryznavanuju APC) niepasredna, —
to, u suviazi z vyšejpadadzienym:
stvaryć kamisiju pa padrychtoŭcy materyjałaŭ dla carkoŭnaha prasłaŭleńnia protapreśvitera Hleba Jakunina jak śviatoha vyznaŭcu dla dalejšaha vyniasieńnia ich na razhlad Saboru Apostalskaj Pravasłaŭnaj Carkvy», — havorycca va ŭkazie.
***
Hleb Jakunin — saviecki i rasijski relihijny, hramadski i palityčny dziejač. Śviatar Apostalskaj pravasłaŭnaj carkvy; były śviatar Ruskaj pravasłaŭnaj carkvy. Dysident, člen maskoŭskaj Chielsinkskaj hrupy, palityčny dziejač, narodny deputat Rasii.
U 1960-1970-ja hady — dziejny ŭdzielnik pravaabarončaha ruchu. U pačatku 1990-ch hadoŭ zaniaŭsia aktyŭnaj palityčnaj dziejnaściu, staŭ sustaršynioj ruchu «Demakratyčnaja Rasija».
U 1990 hodzie Hleba Jakunina abrali narodnym deputatam RSFSR, jon byŭ namieśnikam staršyni Kamiteta Viarchoŭnaha Savieta RF pa svabodzie sumleńnia.
U 1993 hodzie Ruskaja pravasłaŭnaja carkva nakłała zabaronu na ŭdzieł śviataroŭ u vybarach u orhany pradstaŭničaj i vykanaŭčaj ułady. Adnak Hleb Jakunin hetamu rašeńniu nie padparadkavaŭsia, byŭ abrany deputatam Dziarždumy (1993-1995 hady), ale byŭ pazbaŭleny sanu śviatara. U 1997 hodzie za niepadparadkavańnie Śviaščennanačallu byŭ adłučany ad Ruskaj pravasłaŭnaj carkvy.
Kamientary