«Levijafan» naminavany na «Oskar», a ŭ Rasii patrabujuć zabaranić jaho prakat
U śpis naminantaŭ na «Oskar», apublikavany 15 studzienia Amierykanskaj kinaakademijaj, trapiŭ film «Levijafan», što narabiŭ šumu ŭ Rasii.
«Levijafan» budzie zmahacca za pryz u naminacyi «Lepšy film na zamiežnaj movie». Kankurencyju jamu składuć «Ida» (Pavieł Paŭlikoŭski, Polšča), «Cimbuktu» (Abderachman Sisaka, Maŭrytanija), «Mandaryny» (Zaza Urušadze, Estonija) i «Dzikija historyi» (Damijan Ścifron, Arhiencina).
U katehoryi «Lepšy film» sioleta naminavanyja «Biordmen» («Arnitołah»), «Amierykanski snajpier», «Małalectva», «Hatel Hrand Budapiešt», «Hulnia ŭ imitacyju», «Sielma», «Teoryja ŭsiaho» i «Apantanaść».
Lepšym režysioram mohuć być pryznanyja Alechandra Hansales Ińjarytu («Biordmen»), Ryčard Linklejter («Małalectva»), Bienet Miler («Palaŭničy na lis»), Ues Andersan («Hatel Hrand Budapiešt») i Morten Tyldum («Hulnia ŭ imitacyju»).
Pryz za lepšuju mužčynskuju rolu mohuć atrymać Styŭ Kareł («Palaŭničy na lis»), Bredli Kupier («Amierykanski snajpier»), Bienedykt Kambierbetč («Hulnia ŭ imitacyju»), Majkł Kitan («Biordmen») i Edzi Redmejn («Teoryja ŭsiaho»).
«Oskar» za lepšuju žanočuju rolu mohuć uziać Maryjon Katyjar («Dva dni, adna noč»), Fielisici Džons («Teoryja ŭsiaho»), Džulijana Mur («Usio jašče Elis»), Rozamund Pajk («Źnikłaja») i Ryz Uizierspun («Dzikaja»).
Cyrymonija ŭručeńnia «Oskaraŭ» projdzie 22 lutaha ŭ Łos-Andželesie.
Hanarovyja «Oskary» atrymajuć japonski mastak-animatar i režysior Chajao Mijadzaki («Moj susied Totara», «Pryncesa Mananokie», «Uniesienyja pryvidami», «Viecier macnieje» i h.d.) i irłandskaja aktorka Moryn O'Chara.
***
Film režysiora Andreja Źviahincava «Levijafan» pakazvaje historyju baraćby pracavitaha čałavieka z karumpavanaj uładaj na poŭnačy Rasii. Film davoli zmročny, u im bahata łajanki i harełki. Film krytykavała pravasłaŭnaja carkva i prarasijskija aktyvisty, jaho patrabujuć zabaranić ŭ Rasii. Ministr kultury prasiŭ bolš nie vydavać hrošaj na «filmy pra rašku-ha*niašku» (darujcie, ale takija słovy z vusnaŭ ministra kultury). Mahčyma, praź jaho Rasija zabaronić filmy, što «pahražajuć nacyjanalnaj jednaści».
«Levijafan» užo atrymaŭ šerah uznaharodaŭ na jeŭrapiejskich kinafiestyvalach, apošniaja ź ich na siońnia — «Załaty hłobus».
Čytajcie taksama: Aleś Čajčyc: Hladzicie «Levijafan» i hanaryciesia Biełaruśsiu
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary