Kamu iści ŭ padatkovuju

U Biełarusi pačałasia kampanija pa dekłaravańniu fizičnymi asobami sukupnaha hadavoha dachodu za 2007 hod, paviedamili BIEŁTA u Ministerstvie pa padatkach i zborach Biełarusi.

U adpaviednaści z zakonam «Ab padachodnym padatku ź fizičnych asob» padatkovuju dekłaracyju (raźlik) abaviazany pradstavić fizičnyja asoby, kali na praciahu 2007 hoda jany atrymlivali abkładajemyja padachodnym padatkam dachody ad niekalkich krynic i ich sukupny hadavy dachod pierasiahnuŭ Br7 519 992.

Hramadzianie, jakija atrymali dachody ad padatkovych ahientaŭ, što nie źjaŭlajucca miescam ich asnoŭnaj raboty, padatkaabkładańnie jakich pravodziłasia pa staŭcy 20 pracentaŭ, padatkovuju dekłaracyju (raźlik) ab sukupnym hadavym dachodzie nie pradstaŭlajuć.

U toj ža čas hramadzianie, na jakich nie ŭskładzieny abaviazak pradstaŭlać padatkovuju dekłaracyju (raźlik), majuć prava pa ŭłasnaj inicyjatyvie pradstavić takuju dekłaracyju ŭ padatkovy orhan pa miescy žycharstva.

Pry hetym u ministerstvie adznačyli, što niezaležna ad jakich by ni było ŭmoŭ dekłaracyju abaviazany pradstavić fizičnyja asoby, jakija atrymlivali na praciahu 2007 hoda dachody ad fizičnych asob, što nie źjaŭlajucca padatkovymi ahientami, dachody ad krynic za miežami Respubliki Biełaruś, inšyja dachody, utrymańnie padatku ź jakich nie ŭskładziena na padatkovych ahientaŭ.

Da takich dachodaŭ, u pryvatnaści, adnosiacca kampiensacyja (apłata) maralnaj škody, u tym liku pa rašeńniu suda, za vyklučeńniem kampiensacyi maralnaj škody pry stracie pracazdolnaści, źviazanaj z kalectvam abo inšym paškodžańniem zdaroŭja, u suviazi sa strataj karmiciela, a taksama škody, pryčynienaj niezakonnymi dziejańniami orhanaŭ daznańnia, papiaredniaha śledstva, prakuratury.

Heta taksama dachody, atrymanyja fizičnymi asobami ad vypłatnaha adčužeńnia (u tym liku šlacham prodažu, mieny, renty) na praciahu piaci hadoŭ naležnych im na pravie ŭłasnaści bolš jak adnoj kvatery, bolš jak adnaho žyłoha doma, bolš jak adnoj dačy, bolš jak adnaho sadovaha domika z haspadarčymi pabudovami, bolš jak adnaho haraža, bolš jak adnaho ziamielnaha ŭčastka, na praciahu kalandarnaha hoda — bolš jak adnaho aŭtamabila abo inšaha transpartnaha srodku.

U katehoryju takich dachodaŭ uklučany i dachody, atrymanyja ad realizacyi akcyj abo inšych kaštoŭnych papier, uklučajučy dachody ad realizacyi imiannych pryvatyzacyjnych čekaŭ «Žyllo» i «Majomaść» inšaj fizičnaj asobie, dolej zasnavalnikaŭ (udzielnikaŭ) u statutnym fondzie, pajoŭ u majomaści zamiežnych arhanizacyj inšym fizičnym asobam.

Heta datyčycca i dachodaŭ, atrymanych fizičnymi asobami za miažoj abo z‑za miažy (da takich dachodaŭ možna adnieści zarabotnuju płatu, premii i inšyja ŭznaharodžańni, źviazanyja z vykanańniem pracoŭnych abaviazkaŭ, stypiendyi, padarunki ŭ hrašovaj i naturalnaj formie, atrymanyja ad fizičnych asob, jakija nie źjaŭlajucca blizkimi svajakami), a taksama dachodaŭ, atrymanych pa pracoŭnych dahavorach ź fizičnymi asobami, naprykład za rabotu ŭ jakaści sadoŭnika, vartaŭnika, šafiora, treniera, achoŭnika.

Fizičnyja asoby, jakim nieabchodna pradstavić dekłaracyju, abaviazany stać na ŭlik u padatkovym orhanie da pradstaŭleńnia padatkovaj dekłaracyi (raźliku) abo adnačasova ź jaje pradstaŭleńniem. Dekłaracyja pradstaŭlajecca ŭ padatkovy orhan pa miescy žycharstva fizičnaj asoby asabista abo pa pošcie. Pry hetym dniom jaje pradstaŭleńnia ličycca data adpraŭki zakaznoha piśma z vopisam układańnia.

Termin pradstaŭleńnia padatkovaj dekłaracyi (raźliku) ab sukupnym hadavym dachodzie za 2007 hod — nie paźniej za 1 sakavika 2008 hoda.

BIEŁTA

• 0
• 0
• 0
• 0
• 0
• 0
• 0
• 0