Biblijateka Kanhresa ZŠA vystaviła ŭ internet-dostup kalarovyja zdymki Biełarusi 1912 hoda. Jany naležyć Siarhieju Prakudzinu-Horskamu, rasijskamu chimiku i fatohrafu.
Vykarystoŭvajučy aparat ŭłasnaj kanstrukcyi (dakładna jana zastałasia nieviadomaj), Prakudzin-Horski praz kalarovyja śviatłafiltry siniaha, zialonaha i čyrvonaha koleraŭ rabiŭ paśladoŭna try chutkich zdymka adnaho i taho ž siužeta, paśla čaho atrymlivalisia try čorna-biełyja niehatyvy, raźmieščanyja pobač na adnoj fotapłaścinie. Z hetaha trajnoha niehatyvu vyrablaŭsia trajny pazityŭ. Dla prahladu takich fota vykarystoŭvali prajektar z tryma abjektyvami. Kožny kadr prajecyravaŭsia praź śvietłafiltr taho ž koleru, jak i toj, praź jaki jon byŭ źniaty. Pry składańni troch vyjavaŭ (čyrvonaha, zialonaha i siniaha) na ekranie atrymlivaŭsia poŭnakalarovy malunak.
Novaŭviadzieńnie zaklučałasia ŭ tym, što Prakudzin-Horski zdymaŭ nie na try roznyja płaściny, a na adnu, što dazvalała paskoryć praces, vyrablajučy zruch płaściny zamiest zamieny.
U 1911—1912 hadach z nahody śviatkavańnia stahodździa pieramohi ŭ Ajčynnaj vajnie 1812 hoda Prakudzin-Horski fatahrafavaŭ miescy, źviazanyja z Napaleonaŭskaj kampanijaj, dziakujučy čamu na jaho fotapłaścinach zastalisia zachavanyja biełaruskija krajavidy.
U 1918 Prakudzin-Horski emihravaŭ u Francyju. Pamior u Paryžy ŭ vieraśni 1944 hoda, praź niekalki tydniaŭ paśla vyzvaleńnia horada vojskami sajuźnikaŭ.
-
Litoŭski daśledčyk nazvaŭ kankretnaje miesca, dzie schavanyja pareštki Vitaŭta Vialikaha
-
Trahiedyja Čornaj carkvy. Jak u 1920‑ia navukoŭcy sprabavali ŭratavać pomniki BSSR ad praletaryjaŭ
-
Jadzierny reaktar pad Minskam, jaki ŭzvodzili žychary Prypiaci. Historyja ACEC u Družnym, jakuju ŭratavaŭ i pachavaŭ Čarnobyl
Kamientary