Biełaruś nie budzie biehčy za Rasijaj i devalvavać nacyjanalny rubiel.
Pra heta zajaviŭ siońnia Alaksandr Łukašenka na naradzie pa ekanamičnych pytańniach.
Łukašenka padkreśliŭ: «Nikoha nie chaču ździvić, pazicyja zastajecca raniejšaj. My nie źbirajemsia biehčy za Rasijaj, heta kateharyčna zabaraniajecca, bo rasijski rynak — niezrazumieła što tam, chto što choča i što tam budzie».
«Vahańni na rasijskim valutnym rynku nie paddajucca nijakamu asensavańniu», — skazaŭ jon, adznačyŭšy, što devalvavać valutu na hetym fonie nieprymalna.
«U nas jość abaviazacielstvy pierad nasielnictvam. I my ich pavinny prytrymlivacca, što, jak mnie dakładvajuć urad i Nacyjanalny bank, i robicca», — adznačyŭ kiraŭnik dziaržavy.
Jon padkreśliŭ, što stabilnaść na valutnym rynku — heta abaviazak bankaŭskaj sistemy na čale z Nacyjanalnym bankam i ŭradam Biełarusi, usio astatniaje — u rukach nasielnictva.
«Chočacie abvału — biehajcie pa abmieńnikach. Heta ŭsio ŭ rukach hramadzian našaj krainy. Kivajuć na kiraŭnictva, na ŭrad, na Nacyjanalny bank siońnia nieprymalna», — skazaŭ jon. Pry hetym jon zapeŭniŭ: «My budziem prytrymlivacca stabilnaj situacyi ŭ krainie i budziem vykarystoŭvać dla hetaha ŭsie ryčahi, nie parušajučy nijakich finansava-ekanamičnych zakonaŭ, jakija dziejničajuć abjektyŭna».
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary