Krainy SND padrychtujuć płan sumiesnych dziejańniaŭ pa minimizacyi niehatyŭnych nastupstvaŭ finansavaha kryzisu ŭ Rasii, zajaviŭ 16 śniežnia ŭ Minsku žurnalistam vykanaŭčy sakratar Sadružnaści Siarhiej Lebiedzieŭ.
Jon braŭ udzieł u apošnim sioleta pasiadžeńni savieta pastajannych paŭnamocnych pradstaŭnikoŭ dziaržaŭ Sadružnaści pry statutnych i inšych orhanach SND.
Lebiedzieŭ nahadaŭ, što ŭ 2008 hodzie, u razhar suśvietnaha finansavaha kryzisu, pavodle rašeńnia savietaŭ kiraŭnikoŭ dziaržaŭ i kiraŭnikoŭ uradaŭ Sadružnaści była stvoranaja pastajanna dziejnaja narada ministraŭ finansaŭ z pryciahnieńniem kiraŭnikoŭ nacyjanalnych bankaŭ. Sustrečy prachodzili rehularna, za vyklučeńniem hetaha hoda. Ale, jak zaznačyŭ Lebiedzieŭ, na apošnim pasiadžeńni Savieta kiraŭnikoŭ uradaŭ u Ašchabadzie było pryniataje rašeńnie ab praviadzieńni terminovych kansultacyj pradstaŭnikoŭ viedamstvaŭ, jakija adkazvajuć za ekanomiku i finansy. Pryčym, jak padkreśliŭ vykanaŭčy sakratar, takija kansultacyi było vyrašana pravieści jak maha chutčej.
Lebiedzieŭ paviedamiŭ, što kansultacyi adbylisia 12 śniežnia ŭ Maskvie ŭ miežach pasiadžeńnia Ekanamičnaha savieta SND. U ich uziali ŭdzieł ministry ekanomiki i adkaznyja za finansavyja pytańni ŭ krainach Sadružnaści. Pavodle vynikaŭ kansultacyj było pryniataje rašeńnie stvaryć rabočuju hrupu dla padrychtoŭki płana sumiesnych dziejańniaŭ pa minimizacyi niehatyŭnych nastupstvaŭ finansavaha kryzisu ŭ Rasii.
Padčas pasiadžeńnia Ekanamsavieta ŭ Maskvie abmiarkoŭvałasia taksama prablema pastavak biełaruskaha charčavańnia ŭ Rasiju. «Vysnovy buduć zroblenyja. Pradstaŭniki inšych dziaržaŭ SND padtrymali intensiŭny dyjałoh na roznych uzroŭniach pamiž Biełaruśsiu i Rasijaj z metaj najchutčejšaha vychadu ź situacyi», — skazaŭ vykanaŭčy sakratar SND.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy70
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary