Zbornuju Biełarusi pa chakiei, vierahodna, uznačalić kanadziec Dejv Ljuis
FCHRB vystupiła z zajavaj i paviedamiła, što asnoŭnym kandydatam na pasadu hałoŭnaha treniera nacyjanalnaj zbornaj Biełarusi źjaŭlajecca kanadski śpiecyjalist Dejv Ljuis.
Nieŭzabavie trenier prybudzie ŭ Minsk dla ŭzhadnieńnia kantraktu. Pracedura padpisańnia kantraktu, a taksama pres-kanfierencyja z udziełam treniera zapłanavany na paniadziełak, 15 śniežnia ŭ štab-kvatery NAK.
Raniej 61-hadovy śpiecyjalist ŭvachodziŭ u trenierski štab šerahu kłubaŭ NCHŁ: «Detrojt» (1987—2006 hh.), «Bostan» (2006—2007 hh.), «Łos-Andželes» (2007—2008 hh.). Razam z «Kryłami» Luis trojčy stanaviŭsia ŭładalnikam Kubka Stenli (1997, 1998, 2002).
Apošnim miescam pracy Luisa źjaŭlałasia «Karalina», dzie śpiecyjalist źjaŭlaŭsia asistentam Kircha Miulera. 5 maja trenierski štab kłuba byŭ adpraŭleny ŭ adstaŭku.
U jakaści abaroncy Luis pravioŭ u NCHŁ bolš za 1000 matčaŭ, vystupajučy za «Ńju-Jork Ajlenders», «Łos-Andželes», «Ńju-Džersi» i «Detrojt».
Raniej Dejv Ljuis užo pracavaŭ u trenierskim štabie nacyjanalnaj zbornaj Biełarusi.
U 2009 kanadziec asistavaŭ Hlenu Chenłanu na čempijanacie śvietu ŭ Šviejcaryi, a ŭ 2010 dapamahaŭ Michaiłu Zacharavu na Alimpijskich Hulniach u Vankuviery.
Kamientary