Raśsielhasnahlad vystaviŭ pretenzii da Miorskaha kambinata, jaki nie pracuje z Rasijaj paŭtara hoda
Pra heta paviedamiŭ namieśnik ministra sielskaj haspadarki i charčavańnia Biełarusi Ihar Bryło paśla pasiadžeńnia ŭ Minsielhascharčy z udziełam rasijskaha boku.
«Siońnia na sajcie Raśsielhasnahlada źjaviłasia takoje pradpryjemstva, jak Miorski miasakambinat. Nibyta ŭ jaho pradukcyi znojdzieny hienom AČS. Ja zadaŭ pytańnie Jaŭhienu Niepakłonavu (namieśnik kiraŭnika Raśsielhasnahlada. — Zaŭvaha BIEŁTA): na padstavie čaho vy robicie takoje śćviardžeńnie, kali pradpryjemstva na praciahu apošnich paŭtara hoda naohuł nie ekspartavała pradukcyju ŭ Rasiju?»
— skazaŭ Ihar Bryło. Biełaruski bok prapanavaŭ Raśsielhasnahladu razabracca z hetym faktam. «Niachaj pryjeduć rasijskija śpiecyjalisty, my pahladzim dakumientaabarot, vypisku ź vieterynarnych dakumientaŭ i tady budziem vyrazna razumieć, ci na samaj spravie słušnaje śćviardžeńnie, što ŭ pradukcyi Miorskaha miasakambinata jość hienom AČS», — kanstatavaŭ namieśnik ministra.
Na minułym tydni kiraŭniku Raśsielhasnahlada Siarhieju Dankviertu była nakiravana prapanova ab praviadzieńni sumiesnych vyprabavańniaŭ pradukcyi biełaruskich pradpryjemstvaŭ, jakaja trapiła pad zabaronu ŭ Rasii. «My prapanavali stvaryć niekalki rabočych hrup, kab jany adabrali na našych pierapracoŭčych pradpryjemstvach uzory i daśledavali ŭ našych łabaratoryjach, a potym z udziełam našych śpiecyjalistaŭ pravieści takija łabaratornyja vyprabavańni ŭ Rasii. I tady my zmožam dakładna i vyrazna adkazać adzin adnamu na sprečnyja pytańni», — adznačyŭ Ihar Bryło. Pavodle jaho słoŭ, prapanovy biełaruskaha boku buduć razhledžany 2 śniežnia na sustrečy ŭ Minsku.
Ciapier čytajuć
U restaranie «Mak.baj» na zahad Łukašenki pierajmienavali amierykana. Jak nazvali?33
Kamientary