Kalekcyja modnaha doma Givenchy «ahalaje» tajamnicy žančynaŭ stałaha ŭzrostu, jakija da apošniaha sprabujuć zachavać svoj tvar.
Natchniajučysia afarboŭkaj matylkoŭ, dyzajnier Rykarda Cišy (Riccardo Tisci) pasprabavaŭ pieradać hetuju pryhažość praz składanyja kalarovyja spałučeńni i akvarelnuju techniku naniasieńnia farby ŭ kalekcyi vosień-zima 2014-2015 dla modnaha domu Givenchy. Ale, padajecca mnie, što ŭ hetaj kalekcyi taksama praskokvaje pavieŭ nia tolki dobraha hustu, ale i haradskoj dzikaści.
U modzie 50-ch hadoŭ XX stahodździa panavała raskoša. Fieministka i deputat anhielskaha parłamienta Mejbł Rajdiłh zajaviła, što novy siłuet 50-ch nie niasie nijakaha prahresu: «Novaje abličča nahadvaje ptušačku ŭ załatoj kletcy», - nahadvaje cytatu spadaryni Mejbł elektornnaja «Encykłapiedyja mody». A novaja kalekcyja modnaha domu Givenchy nahadała mnie ptušku, jakaja amal zmahła samastojna adkryć svaju załatuju kletku.
Pra amal volnuju ptušačku-žančynu mnie padumałasia, kali ja pabačyła płastyry na tvarych maładych madelek.
Pra płastyry jak najbolš tanny liftynh ja viedaju tolki toje, što ich chavajuć pad pryhožyja paryki starejučyja zorki, ale paparacy i tak heta zaŭvažajuć i infarmujuć nas. A voś u kalekcyi Rykarda Cišy płastyry jaskravaha čyrvonaha koleru, niezaŭvažyć ich niemahčyma.
Druhoj cikavaj detallu hetaj kalekcyi padajucca rukavy ŭ niekatorych pradsłaŭlennych sukienkach. Hetuju detal možna niezaŭvažć, bo sukienki zavarožvajuć, ale kali pryhladziecca, to bačna, što rukavy nibyta rasporaty. I za pryhožaj sukienkaj bačna ziamnoje cieła.
«Novaja kalekcyja — heta ŭračystaść elehantnaści i dobraha hustu. U tym klučy, jak baču jaho ja, viadoma», - skazaŭ Rykarda Cišy za kulisami pakazu Givenchy.
A što zaŭvažyli ekśpierty?
U modnym ahladzie dla «Vogue» Sara Charys, jakaja prysutničała na pakazie, adznačyła, što heta była lepšaja kalekcyja Cišy, z usich jakija daviałosia pabačyć redakcyi «Vogue».
«Dyzajnier źviarnuŭsia da śvietłaj pałovy svajoj asoby; sukienki-kašuli z doŭhimi rukavami byli vydatnym prykładam hetaha. Zašpilenyja na ŭsie huziki, jany źjavilisia ŭ vialikaj kolkaści varyjantaŭ», - adznačyła Sara.
Aha, i miech, jon u kalekcyi, na žal, jość.
«Z aściarohaj pradčuvajem ceńnik na bledna-abrykosavyja i ziefirnaha koleru futra, a taksama šakaładnyja skuranyja spadnicy i sukienki-palito z futram», — napisała Sara Charys.
Ale varta pamiatać, što ŭ našych šyrotach matylok abo vylataje ŭ dalokaje padarožža za ciepłynioj ci jajki matylkoŭ znachodziacca ŭ stanie dyapaŭzy.
-
Epocha adradžeńnia i apsajklinh — u Varšavie prajšoŭ modny pakaz novych kalekcyj biełaruskich dyzajnieraŭ
-
Na modnym pakazie ŭ Minsku ŭviaduć strohi dres-kod. Kali parušyš, bilet anulujuć
-
Sumki z halštukaŭ i zaplečniki z pakunkaŭ ad čypsaŭ Lays — top biełaruskich majstroŭ, jakija robiać apsajklinh-rečy
Kamientary