SBU pad Kijevam zatrymała rasijskaha dyviersanta, jaki pradstaviŭsia hienierałam FSB pa proźviščy Hračyškin, pamočnikam deputata Dziarždumy Rasii.
Pra heta na pres-kanfierencyi zajaviŭ kiraŭnik SBU Valancin Nalivajčanka.
«Hety hramadzianin RF nazyvaŭsia hienierałam FSB, jaho proźvišča Hračyškin, u jaho jość paśviedčańni namieśnika hałoŭnaha redaktara «Rośsijskich novostiej», pamočnika deputata Dziarždumy», — skazaŭ jon.
Pavodle jaho słoŭ, zatrymany padazrajecca ŭ arhanizacyi pratestaŭ nachvardziejcaŭ pad Administracyjaj prezidenta.
«Jon nie prosta zatrymany, my havorym pra toje, što mienavita hety lalkavod, pražyvajučy apošni miesiac u Kijeŭskaj vobłaści, arhanizoŭvaŭ i kaardynavaŭ takija pravaparušeńni: pravakacyi pa inśpiravańni tak zvanych pratestnych akcyj Nachvardyi kala Administracyi prezidenta», — dadaŭ jon.
Pa słovach kiraŭnika SBU, u dadzieny čas hety hramadzianin RF daje pakazańni ŭkrainskim pravaachoŭnikam.
Akramia taho, pavodle dadzienych SBU, mienavita hety čałaviek arhanizoŭvaŭ vyvaz cieł zahinułych hramadzian RF z terytoryi Danieckaj i Łuhanskaj abłaściej, a taksama niepasredna kantaktavaŭ z terarystami.
Jak viadoma, sałdaty-nachvardziejcy terminovaj słužby z Kijeŭskaj vobłaści 13 kastryčnika zładzili akcyju kala Administracyi prezidenta Ukrainy z patrabavańniem demabilizacyi.
Prakuratura Centralnaha rehijona pravodzić rasśledavańnie pa fakcie biaździejnaści kamandziraŭ asobnych vajskovych častak Nachvardyi z hetaj nahody.
Hałoŭny vajenny prakuror Ukrainy Anatol Macijos paviedamiŭ, što pa najaŭnaj u pravaachoŭnych orhanach infarmacyi vajskoŭcaŭ Nachvardyi zaklikali pratestavać u sacyjalnych sietkach z terytoryi Rasii.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary