Paŭła Vinahradava znoŭ pasadzili na 15 sutak, a jašče i aštrafavali
Sud Maskoŭskaha rajona stalicy 12 vieraśnia aryštavaŭ na 15 sutak aktyvista moładzievaj inicyjatyvy «Źmiena» Paŭła Vinahradava za brydkasłoŭje.
Taksama jaho pakarali štrafam u paŭtara miljona rubloŭ za parušeńnie praviłaŭ previentyŭnaha nahladu i štrafam u 450 tysiač rubloŭ za raśpivańnie śpirtnych napojaŭ u hramadskim miescy.
Pavodle śviedak-milicyjantaŭ Kancavoha i Viarbickaha, Pavał nibyta 11 vieraśnia piŭ piva na stadyjonie kala pastarunka. Ale viadoma, što 11 vieraśnia jon ciaham dnia znachodziŭsia ŭ pastarunku. Adnak i tut sudździa Taćciana Matyl pryznała jaho vinavatym. Pavał zajaŭlaŭ advod sudździ, adnak jana jaho adchiliła.
Aktyvist pryznaŭ siabie vinavatym tolki ŭ parušeńni praviłaŭ previentyŭnaha nahladu: kali da jaho pryjšli z pravierkaj milicyjanty, jon vyjšaŭ z doma.
11 vieraśnia ranicaj Pavał pajšoŭ u pastarunak, kab adznačycca zhodna z umovami previentyŭnaha nahladu. Adnak dachaty jon užo nie viarnuŭsia.
Były palitviazień Pavał Vinahradaŭ — rekardsmien pa advolnych zatrymańniach. U sakaviku jon byŭ asudžany na 25 sutak aryštu i trymaŭ haładoŭku.
U žniŭni Vinahradava aryštavali na 10 sutak. Jon apavioŭ, što heta jaho 16-ja administracyjnaja sprava, i z hetaha liku 9 byli pa abvinavačańni ŭ łajancy.
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć44
Kamientary