Milicyja raspačała kryminalnuju spravu pa fakcie źniknieńnia ŭ Bychavie hramadskaha aktyvista Alaksandra Šačanka.
Nahadajem, apošni raz Šačanka bačyli 27 žniŭnia ŭ rajonnym sudzie ŭ Bychavie, dzie prachodziŭ razhlad isku aktyvista ŭ dačynieńni da susieda, jaki jaho źbiŭ i abvinavačvajecca ŭ naniasieńni ciažkich cialesnych paškodžańniaŭ. Paśla padačy zajavy ab źniknieńni Šačanka Bychaŭskim RAUS pravodzilisia pravieračnyja mierapryjemstvy pa ŭstanaŭleńni jaho miescaznachodžańnia.
Zhodna ź instrukcyjaj ab paradku razhladu zajaŭ, paviedamleńniaŭ, inšaj infarmacyi ab źniknieńni asob i arhanizacyi ich vyšuku, kali na praciahu 10 sutak z momantu pastupleńnia zajavy ŭstanavić miescaznachodžańnie bieź viestak źnikłaha nie ŭjaviłasia mahčymym, dakumienty pieradajucca śpiecyjalizavanamu padraździaleńniu daznańnia orhana ŭnutranych spraŭ dla raspačynańnia kryminalnaj spravy.
Infarmacyju ab raspačynańni kryminalnaj spravy paćvierdzili ŭ adździaleńni infarmacyi i hramadskich suviaziej UUS Mahiloŭskaha abłvykankama, dadaŭšy, što «siońnia-zaŭtra» paviedamleńnie ab vyšuku Alaksandra Šačanka źjavicca na sajcie UUS u śpiecyjalnaj rubrycy.
Šačanok vioŭ aktyŭnuju hramadskuju dziejnaść. Nieadnarazova źviartaŭsia sa skarhami ŭ pravaachoŭnyja orhany nakont niepravamiernych, na jaho dumku, dziejańniaŭ asobnych supracoŭnikaŭ Bychaŭskaha RAUS. Padčas vybaraŭ u miascovyja orhany ŭłady ŭ sakaviku ŭvachodziŭ u inicyjatyŭnuju hrupu kandydata ŭ deputaty ad Biełaruskaj sacyjał-demakratyčnaj partyi (Hramada) Leanida Padbiareckaha.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary