Uviadzieńnie pamiežnaj terytoryi z Rasijaj nie niasie pravavych nastupstvaŭ dla hramadzian
Uviadzieńnie pamiežnaj terytoryi na miažy Biełarusi i Rasii nie niasie pravavych nastupstvaŭ dla hramadzian, zajaviŭ pres-sakratar Dziaržaŭnaha pahraničnaha kamiteta Alaksandr Ciščanka.
Nahadajem, Alaksandr Łukašenka 4 vieraśnia padpisaŭ ukaz № 433 «Ab uniasieńni źmianieńniaŭ va ŭkaz prezidenta Respubliki Biełaruś ad 9 sakavika 2009 h. № 125», jakim ustanaŭlivajecca pryhraničnaja terytoryja ŭ miežach administracyjna-terytaryjalnych adzinak, što prymykajuć da dziaržaŭnaj miažy Respubliki Biełaruś z Rasijskaj Fiederacyjaj.
«Heta dazvolić stvaryć umovy dla realizacyi ŭskładzienych na orhany pahraničnaj słužby zadač i funkcyj u miežach hetaj miascovaści, a taksama arhanizavać naležnaje ŭzajemadziejańnie z pahraničnymi orhanami Rasijskaj Fiederacyi, nakiravanaje na vyrašeńnie zadač pa vyjaŭleńni i spynieńni tranzitnaj niezakonnaj mihracyi, narkatrafiku i niezakonnaha pieramiaščeńnia praź miažu tavarna-materyjalnych kaštoŭnaściej», — havorycca ŭ paviedamleńni pres-słužby.
Alaksandr Ciščanka adznačyŭ, što havorki ab stvareńni miažy pamiž dźviuma dziaržavami nie idzie — dziaržmiaža isnuje ŭ adpaviednaści z pastanovaj Viarchoŭnaha savieta Biełarusi ad 1993 hoda i budujecca pa administracyjna-terytaryjalnym pryncypie.
«Ale prablemy pahraničnaj biaśpieki isnujuć i na ŭnutranych miežach, — adznačyŭ pradstaŭnik Dziaržpahrankamiteta. — Ukaz prezidenta nieabchodny dla ŭdaskanalvańnia pravavych umoŭ dziejańnia pamiežnikaŭ na pryhraničnych terytoryjach, uzajemadziejańnia z rasijskimi kalehami. U tym liku dla taho, kab pahrozy nie pieramiaščalisia na źniešnija miežy. Kab palepšyć umovy prymianieńnia sił i srodkaŭ, jakija zabiaśpiečvajuć pahraničnuju biaśpieku. Chacia miaža i administracyjnaja, prablemy vyrašać nieabchodna».
«Palityčnaj padaploki va ŭkazie šukać nie varta», — zajaviŭ pres-sakratar Dziaržpahrankamiteta.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary