Biełarus padaŭ u maskoŭski sud pazoŭ za «Biełoruśsiju» suprać viadučych rasijskich ŚMI
Lenta.ru, rbc.ru i ria.ru atrymajuć pozvu z suda ŭ tym vypadku, kali sudździa prymie da razhladu pazoŭ Kiryła, jaki z pačatku hetaha hoda žyvie ŭ Maskvie. Sprava tyčycca daŭniaha pytańnia: «Biełaruś» vs «Biełoruśsija». Kirył padkreślivaje, što ŭ jaho pazovie niama ni finansavaj vyhady, ni nacyjanalistyčnych intaresaŭ - «prosta za pravilnuju spravu» ad hramadzianina Biełarusi.
Kirył — prafiesijny ryełtar, jaki vučycca ŭ aśpirantury adnaho z maskoŭskich VNU. Sam z Babrujska. Pracavaŭ pa śpiecyjalnaści ŭ rodnym horadzie i ŭ Minsku.
«Nie toje kab mianie vielmi mocna kranała prablema «Biełaruś-Biełoruśsija», ale treba ž jaje niejak vyrašać, - razvažaje Kirył. - Ja ničoha nie maju suprać zvyčajnych rasijanaŭ, jakija ŭ hutarkovaj movy nazyvajuć našu krainu tak, jak pryvykli. Ale aficyjnyja krynicy pavinny karystacca aficyjna zaćvierdžanymi praviłami. Inakš heta prosta niepiśmienna».
— Čamu mienavita hety, dosyć karotki śpis ŚMI?
«Ja zajšoŭ u top-100 Rambler i prosta ŭziaŭ try pieršyja radki ŭ rejtynhu «Naviny i ŚMI», - tłumačyć Kirył».
Kamientary