Tozik: Rašeńnie ab pavieličeńni padachodnaha padatku, chutčej za ŭsio, budzie pryniata
Rašeńnie ab pavieličeńni padachodnaha padatku z 12% da 13%, chutčej za ŭsio, budzie pryniata.
Ab hetym u intervju prahramie «Hałoŭny efir» telekanała «Biełaruś 1» paviedamiŭ vice-premjer Anatol Tozik. Jon kamientavaŭ vyniki narady ŭ prezidenta 22 žniŭnia pa farmiravańni novaha miechanizmu dziaržaŭnaj padtrymki siemjaŭ, jakija vychoŭvajuć dziaciej. Prapanova ab pavieličeńni padatku prahučała mienavita tam.
«Ničoha ź ničoha nie byvaje. Heta vielizarnyja hrošy, jakija patrebnyja siońnia dla padtrymki siemjaŭ, dla padtrymki dziaciej. Častka ŭ nas jość u biudžecie, a častka, chutčej za ŭsio, što budzie pryniata rašeńnie ab tym, kab ustanavić dla ŭsich normu padachodnaha padatku ŭ 13%, — skazaŭ vice-premjer. — Usie hetyja hrošy, jak padkreśliŭ prezident, da adnaho rubla, buduć iści tolki na hetyja mety».
Pry hetym Tozik źviarnuŭ uvahu na toje, i ab hetym havaryŭ prezident, što «dzieci, pierš za ŭsio, heta zdabytak siamji». «I adkaznaść za naradžeńnie dziaciej, za ich vychavańnie, zabieśpiačeńnie spačatku pavinna nieści siamja. Dziaržava padstaŭlaje plačo, kali bačyć, što siamji treba dapamahčy. Heta značyć tut vielmi važna nie pierajści tuju rysu, kali heta dapamoha ŭžo nie dapamahaje, a razbeščvaje, kali pačynaje sparadžać utrymanskija nastroi», — adznačyŭ vice-premjer.
Adkazvajučy na pytańnie, jakoj u kłasičnym ujaŭleńni pavinna być biełaruskaja siamja, Tozik skazaŭ: «U kłasičnym razumieńni biełaruskaja siamja pavinna składacca ź piaci čałaviek: mama, tata i troje dziaciej, tady naš narod budzie pryrastać. Siońnia prablema biełaruskaj siamji — pavieličeńnie kolkaści dziaciej. Heta faktar našaj nacyjanalnaj biaśpieki, heta faktar zachavańnia našaha naroda i faktar umacavańnia našaj dziaržavy».
«U nas skłałasia dosyć surjoznaja sistema padtrymki siamji i dziaciej u siamji. My bačym, što jana pačała pracavać. U 2013 hodzie my ŭpieršyniu za 20 hadoŭ zabiaśpiečyli pryrost nasielnictva. Tendencyja pakul niaŭstojlivaja. Tamu prezidentam było pryniata rašeńnie pradumać, što možam prapanavać jašče dadatkova da taho, što ŭ nas jość u miežach našych mahčymaściaŭ», — skazaŭ vice-premjer nakont prajekta «Vialikaja siamja».
-
Paśla šaści hadoŭ źniavoleńnia vyjšaŭ na svabodu pinski palitviazień Ihar Sałaviej
-
Pratasievič adkazaŭ Statkieviču i NN: Majo sumleńnie čystaje. A pra trusy majoj abrańnicy pračytajuć bolš, čym pra ŭsiemahčymyja Kaardynacyjnyja rady
-
Pamiatajecie žančynu, jakuju padmanuli rasijskija turysty? Kampanija, jakaja tut ni pry čym, prapanavała joj kampiensacyju
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary