Takuju zajavu jana zrabiła 23 žniŭnia padčas sumiesnaj pres-kanfierencyi z prezidentam Ukrainy Piatrom Parašenkam ŭ Kijevie, paśla zaviaršeńnia ich dvuchhadzinnaj sustrečy.
«Kali my (u Hiermanii) havorym pra fiederalizacyju, to majecca na ŭvazie niamiecki typ fiederacyi. My razumiejem, što va Ukrainie heta nazyvajuć decentralizacyjaj i heta — mienavita toje, čaho choča prezident Parašenka,
i my heta padtrymlivajem», - zajaviła kancler.
Mierkiel pierakananaja, što takuju pazicyju taksama maje jaje namieśnik, ministr ekanomiki Niamieččyny, lider niamieckich sacyjał-demakrataŭ Zihmar Habryel, jaki ŭ hazietnym intervju zaklikaŭ da fiederalizacyi Ukrainy.
«Toje, što ja skazała — heta nie prosta majo mierkavańnie, heta taksama mierkavańnie vice-kanclera», — śćviardžaje jana.
Mierkiel taksama zaklikała jeŭrapiejskich palitykaŭ ŭstrymacca ad zajavaŭ z hetaj nahody.
«My razumiejem, što kali va Ukrainie havorycca pra fiederalizacyju, dla vas heta aznačaje inšaje, heta taksama aznačaje stratu suvierenitetu», — adznačyła jana.
Kamientary