Siońnia, 19 žniŭnia, pravasłaŭnyja chryścijanie śviatkujuć Pieramianieńnie Haspodniaje. Heta adno z 12 najbolšych chryścijanskich śviataŭ. U narodzie heta śviata jašče nazyvajuć Jabłyčny Spas.
U hety dzień Chrystos źjaviŭsia trom svaim vučniam u śviatle boskaj słavy, demanstrujučy adzinstva Śviatoj Trojcy. U hety dzień isnuje tradycyja nieści ŭ carkvu ŭradžaj na aśviačeńnie — jabłyki, hrušy. miod, pučki kałasoŭ žyta i pšanicy.
Dla haspadaroŭ śviata simvalizuje zakančeńnie žniva i zaviaršeńnia leta.
Pa hetym dni vyznačali taksama nadvorje. Kali dzień byŭ soniečny i biaschmarny — vosień budzie suchaja. Kali daždžlivy — mokraj. Jasny dzień taksama pradvieścić maroznuju zimu z zaviejami.
Taksama nazirali za busłami, jakija zvyčajna sa Spasam adlatajuć na poŭdzień.
Kali busły adlatali da 19 žniŭnia, heta aznačała, što zima pryjdzie raniej i jana budzie maroznaj, kali paźniej — vosień budzie ciopłaj, zima poźniaj, a viasna — chałodnaj.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku
Kamientary