Były čempijon śvietu pa šachmatach Hary Kasparaŭ pazmahajecca za pasadu prezidenta Mižnarodnaj šachmatnaj fiederacyi. Jaho supiernik — dziejučy kiraŭnik fiederacyi Kirsan Ilumžynaŭ, jaki viadomy ŭ tym liku tym, što surjozna śćviardžaŭ, što mieŭ kantakty ź inšapłaniecianami.
Vybary prezidenta FIDE projduć u paniadziełak u narviežskim Tromsie ŭ pieršy dzień pracy Hienieralnaj asamblei hetaj arhanizacyi.
Kirsan Ilumžynaŭ uznačalvaje Mižnarodnuju šachmatnuju fiederacyju voś užo 19 hadoŭ — z 1995 hoda. Z 1993 pa 2010 hod Ilumžynaŭ źjaŭlaŭsia kiraŭnikom Kałmykii.
Apanienty Ilumžynava nazyvajuć jaho maryjanietkaj Kramla. Hary Kasparaŭ, naadvarot, źjaŭlajecca viadomym apanientam Uładzimira Pucina.
Kasparaŭ abvinavačvaje Ilumžynava ŭ ciesnaj suviazi z Pucinym i ličyć praciahły znachodžańnie eks-kiraŭnika Kałmykii na pasadzie prezidenta FIDE śledstvam palityki «favarytyzmu».
«Kožnaje pasolstva Rasii ŭ śviecie mabilizavana na padtrymku Ilumžynava, kab jon zachavaŭ svaju pasadu.
I my ŭsie razumiejem, što havorka idzie nie tolki pra šachmaty. Heta čystaj vady palityčny boj!» — kaža Hary Kasparaŭ.
Ilumžynavu taksama prypisvałasia siabroŭstva z Sadamam Chusejnam i Muamaram Kadafi. Z Kadafi ciapierašni prezident FIDE hulaŭ u šachmaty ŭ Trypali letam 2011 hoda, za niekalki miesiacaŭ da jaho źviaržeńnia.
Prezident FIDE karystajecca padtrymkaj rasijskich uładaŭ i znajomy ź lidaram Siryi Bašaram Asadam, u toj čas jak apazicyjanier Kasparaŭ vymušany bałatavacca ad Charvatyi.
Mižnarodnaja fiederacyja šachmat była arhanizavana ŭ 1924 hodzie, za 90 hadoŭ jaje ŭznačalvali tolki šeść čałaviek.
Heta Alaksandr Rub ź Niderłandaŭ, švied Folkie Rohard, jašče adzin hałandziec, eks-čempijon śvietu Maks Ejvie, isłandziec Frydryk Ołafsan, filipiniec Fłarensia Kampamanies i Ilumžynaŭ.
Ciapier čytajuć
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje sabie ŭ vyrazach u sacsietkach2
Kamientary