U malaŭničym kutku Miensku naleta pačniecca budaŭnictva žyłoha kompleksu pieramiennaj paviarchovaści: 13‑20‑25 pavierchaŭ. Jon budzie mieścicca na praspekcie Pieramožcaŭ (b. Mašerava) u atačeńni dvuch bankaŭ, žyłoha domu, haścinicy «Planeta» j bujnoha administracyjnaha budynku
.
U malaŭničym kutku Miensku naleta pačniecca budaŭnictva žyłoha kompleksu pieramiennaj paviarchovaści: 13‑20‑25 pavierchaŭ. Jon budzie mieścicca na praspekcie Pieramožcaŭ (b. Mašerava) u atačeńni dvuch bankaŭ, žyłoha domu, haścinicy «Planeta» j bujnoha administracyjnaha budynku
Na niadaŭnim 7‑m nacyjanalnym festyvali architektury prajekt hetaha kompleksu atrymaŭ dyplom u adnoj z naminacyj. Jon ža byŭ uznaharodžany letaś na festyvali krain SND u Ałma‑Aty. Aŭtary prajektu — «Minskhramadzianprajekt».
Paŭnočny fasad budynku budzie śviacicca śsiaredziny, a panaramnaje aškleńnie dazvolić žycharam lubavacca vakolicami.
Heta budzie samadastatkovy kompleks, z ułasnaj infrastrukturaj. Pad domam raŭźmieściacca trenažornyja zali, buciki, cyrulnia, mini‑markiet, kluby pa zacikaŭleńniach. Ustyč da budynku paŭstanie parkinh na 500 mašyn z šynamantažom, ručnoj myjniaj, kramaj aŭtazapčastak.
Ad Zasłaŭskaj da hmachu projdzie padziemnaja vulica. Pobač źjavicca nievialiki ofisna‑spravavy centar.
Kab prybrać uvieś transpart i z boku vulicy Zasłaŭskaj, i ŭzdoŭž «Biełdziaržprajektu», specialisty prapanavali zrabić parkoŭki j nakryć ich piešachodnaj platformaj. U schiłach z boku ciapierašniaha praspekta Mašerava (byłaja vulica Drazda) i haścinicy taksama zrobć dvuchuzroŭnievyja stajanki, a na ich — adkrytyja tenisnyja korty.
Prajezd da domu ŭzdoŭž «Biełdziaržprajektu» taksama miarkujecca nakryć piešachodnaj platformaj i dapoŭnić nievialičkimi abjektami handlu j hramadzkaha charčavańnia. Na samoj platformie moža raźmiaścicca dziciačaje miastečka z kaviarniaj, a pobač z acalełyym dotam jašče adna kaviarnia «La dota».
Dla ŭpryhožańnia zialonaj zony pierad praspektam Pieramožcaŭ aŭtary prapanujuć «zaviarnuć» na hety bok mahistrali staroje rečyšča Śvisłačy ŭ vyhladzie štučnaha vadajomu ź nievialikimi vadaspadami j fantanami. Ale dla realizacyi šmat jakich prapanoŭ pa dobraŭparadkavańni pryhlehłaj terytoryi jašče treba šukać investara.
 |
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary