U redakcyju partału Kraj.baj źviarnulisia žychary vioski Vialikaja Strača Astravieckaha rajona. Jany raspaviali, što 11 červienia ŭ adnoj z padsobnych haspadarak pamierła śvińnia. Pa słovach žycharoŭ, śpiecyjalisty vieterynarnaj słužby skazali, što ad afrykanskaj čumy.
Žychary vioski Vialikaja Strača taksama raspaviali, što siońnia, 13 červienia, u nasielenym punkcie była «niejkaja kamisija, śpiecyjalisty», jakija i parekamiendavali zabić usich śviniej u vioscy. Jaki patelefanavaŭ u redakcyju nie mohuć dakładna nazvać ŭstanova, śpiecyjalisty jakoha byli ŭ vioscy. Śćviardžajuć, što vieterynarnyja lekary.
Zaraz miascovyja žychary, pa ich słovach, masava bjuć śviniej, a ich u kožnym dvary pa dźvie, pa čatyry žyvioliny. Niekatoryja vyklikajuć svajakoŭ ź inšych rajonaŭ, kab dapamahli spravicca.
Hałoŭny vieterynarny ŭrač Astravieckaha rajona Uładzimir Karpovič skazaŭ, što dyjahnaz «afrykanskaja čuma śviniej» ŭ rajonie nie paćvierdžany.
Kali i koluć u vioscy śviniej, to heta — zdarovyja žyvioły. Infarmacyi ab tym, što ŭ Vialikuju Straču pavinna vyjechać kamisija, u jaho niama.
U Hrodzienskim abłasnym upraŭleńni vieterynaryi taksama skazali, što infarmacyja ab afrykanskaj čumie śviniej u Astravieckim rajonie va ŭpraŭleńnie nie pastupała.
Nahadajem, što AČS była zafiksavana ŭ červieni minułaha hoda na Hrodzienščynie (Iŭjeŭski rajon), zatym pierakinułasia na šerah inšych rehijonaŭ, a taksama častkova na Litvu.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary