Kreml nie admoviŭsia ad płanaŭ pa zachopie Ukrainy.
Pra heta zajaviŭ lidar «Pravaha siektara» Dźmitryj Jaraš u intervju gordonua.com.
«Ci pojdzie Rasija dalej? Mahčyma, ja hetaha nie vyklučaju. Daju adsotkaŭ šeśćdziasiat, što taki varyjant mahčymy», — zajaviŭ jon.
U toj ža čas Ukraina, ličyć Jaraš, pavinna zrabić usio, kab abaranić svaju terytaryjalnuju cełasnaść: «Ja nie ŭjaŭlaju Ukrainu biez Danbasa i Kryma. Liču, kali addać Danbas, Rasija pojdzie dalej. Jana nie spynicca na anieksii Kryma i dźviuch abłaściej».
«Im patrebna impieryja, a impieryja biez Kijeva ŭ ich mifałahiemy nie ŭpisvajecca», — dadaŭ lidar «Pravaha siektara».
Pavodle jaho słoŭ, u štab «Pravaha siektara» pastupiła infarmacyja, što ŭ Rasii jość płany ŭvarvańnia ŭ Ukrainu pa niekalkich napramkach - «praktyčna da Zbruča, heta značyć da miežaŭ 39-ha hoda» (Zbruč praciakaje na miažy Ciarnopalskaj i Chmialnickaj abłaściej).
Nahadajem, 10 červienia daradcy prezidenta Rasii Siarhiej Hłaźjeŭ prapanavaŭ nanieści avijaŭdar pa ŭkrainskaj armii, kab «nie dać joj akryjać».
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar19
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku44
Kamientary