Łukašenka: Mnie ŭčora na stoł pakłali dekret «ab pryhonnym pravie». My zakryvajem na hubiernataraŭ usio
Alaksandr Łukašenka maje namier u bližejšy čas padpisać dekret, jaki ŭzmocnić paŭnamoctvy hubiernataraŭ.
Ab hetym kiraŭnik dziaržavy zajaviŭ 27 maja na naradzie pa prablemach kormavytvorčaści i pavyšeńnia efiektyŭnaści žyviołahadoŭli.
«Ja staŭlu žorstka pytańnie tamu, što na stale dekret, ab jakim ja kazaŭ raniej. Učora mnie jaho pakłali na stoł z nahody, skažam prama, «pryhonnaha prava». My zakryvajem na hubiernataraŭ usio.
Ty nie zvolnišsia i nie piarojdzieš (pamiatajecie, ja kazaŭ u Pasłańni), — zajaviŭ Łukašenka. — Tak pačynajcie ž vy varušycca, kab narod nie skazaŭ: što vy nas zaciskajucie, a sami niezrazumieła jak pracujecie.
Tamu ŭsie paŭnamoctvy ŭ bližejšy tydzień piarojduć u ruki orhanaŭ ułady i «niesurjozna» ŭžo nie budzie».
Ab nadzialeńni hubiernataraŭ dadatkovymi paŭnamoctvami Łukašenka havaryŭ i ŭ pačatku narady:
«Ja vas siudy sabraŭ nie dla taho, kab ŭhavorvać. Usie — nijakich damaŭleńniaŭ być nie moža! Ja papiaredziŭ kiraŭnika ŭrada, kiraŭnikoŭ sielskahaspadarčaj haliny, viedajuć pra heta hubiernatary. Mabilizoŭvać ludziej, usio siłavyja struktury ŭ hetym płanie pierachodziać hubiernataram u niepasrednaje padparadkavańnie. Chopić užo bałbatnioj zajmacca!».
Kamientary