Zavieršany adbor vykładčykaŭ EHU, ź jakimi buduć padpisanyja 5-hadovyja pracoŭnyja damovy.
Pa vynikach adkrytaha konkursu, što składaŭsia z etapaŭ papiaredniaha adboru zajavak i praviadzieńnia indyvidualnych sumoŭjaŭ z kandydatami, Jeŭrapiejski humanitarny ŭniviersitet (EHU) vybraŭ 17 vykładčykaŭ, jakim budzie prapanavana padpisać pracoŭnyja damovy na 5-hadovy termin z poŭnaj zaniataściu, kab vykładać i pravodzić navukovyja daśledavańni ŭ miežach univiersiteta.
U skład Kamisii pa najmie vykładčykaŭ, jakaja ažyćciaŭlała adbor, uvachodziła siem pradstaŭnikoŭ univiersiteta i try źniešnija ekśpierty: z Hiermanii, Luksiemburha i Šviecyi.
«Kamisija pa najmie vykładčykaŭ atrymała bolš za 120 zajavak na zaniaćcio pasadaŭ na ŭmovach poŭnaj zaniataści.
U vyniku ŭvažlivaha vyvučeńnia reziume i matyvacyjnych listoŭ pretendentaŭ Kamisija vybrała 32 kandydata dla zaprašeńnia na sumoŭje. Sumoŭi prajšli bieśpieraškodna i zhodna z płanam», — paviedamiŭ hałoŭny apieracyjny dyrektar EHU Devid Polik.
Z 17-ti vybranych kandydataŭ 15 uvachodziać u ciapierašni prafiesarska-vykładčycki sastaŭ EHU. Ad pačatku 2014/15 navučalnaha hoda, jany raspačnuć pracu ŭ adpaviednaści z novymi pracoŭnymi damovami poŭnaj zaniataści.
Ich imiony apublikavanyja na sajcie EHU.
Ciapier univiersitet hatovy da pierachodu da druhoha etapa reformy prafiesarska-vykładčyckaha sastavu EHU.
Etap budzie składacca z unutranaha konkursu siarod ciapierašnich vykładčykaŭ EHU na zaniaćcio pasadaŭ u ekvivalencie da 40 poŭnych stavak. Adbor vykładčykaŭ na hetyja pasady budzie zaležać ad patrebaŭ univiersiteckaj nahruzki. Univiersitet źbirajecca prapanavać vybranym vykładčykam pracoŭnyja damovy na 2-hadovy termin.
Hetaja univiersitetskaja reforma ažyćciaŭlajecca dziela palapšeńnia ŭmovaŭ pracy vykładčykaŭ i ŭmacavańnia ahulnaj jakaści adukacyi i navukovych daśledavańniaŭ u EHU.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary