ŚMI: Pientahon vystupaje suprać sankcyj u dačynieńni da «Rosoboroneksporta»

Pientahon vystupaje suprać uviadzieńnia sankcyj u dačynieńni da «Rosoboroneksporta» i admovy ad zakupak u rasijskaj kampanii viertalotaŭ Mi-17 dla ŭzbrojenych sił Afhanistana, paviedamiła ŭ sieradu amierykanskaja hazieta Christian Science Monitor.

Pa dadzienych vydańnia, na fonie kryzisu va Ukrainie členy amierykanskaha Kanhresa «rychtujuć ułasnyja miery z metaj uzmacnić cisk na Rasieju». U liku takich mier, piša Christian Science Monitor, «prapanova ŭvieści sankcyi suprać rasiejskaj dziaržkampanii», jakaja zajmajecca ekspartam uzbrajeńniaŭ, jakuju zakanadaŭcy abvinavačvajuć u pastaŭkach zbroi ŭ Siryju i Iran.

Adnak pradstaŭniki Pientahona, paviedamiła haziecie krynica ŭ Kanhresie, prosiać zakanadaŭcaŭ adkłaści ŭviadzieńnie sankcyj u dačynieńni da «Rosoboroneksporta», bo hetaja kampanija «taksama pastaŭlaje viertaloty, jakija vykarystoŭvajucca afhanskimi VPS, jakija siońnia adčuvajuć ciažkaści». «U razmovach z nami jany vykarystoŭvajuć słova «hnutkaść», jakoje aznačaje, što jany chočuć, kab my zrabili surjoznaje vyklučeńnie dla «Rosoboroneksporta», - zajaviŭ surazmoŭca vydańniu.

Raniej na razhlad vierchniaj pałaty Kanhresa ZŠA była ŭniesiena papraŭka da zakonaprajekta ab akazańni dapamohi Ukrainie, jakaja tyčycca razryvu dziełavych adnosin amierykanskich uradavych struktur z «Rosoboroneksportam». U pradstaŭlenym dakumiencie ŭtrymlivajecca prapanova ab zabaronie na ŭdzieł va ŭradavych kantraktach ZŠA dla luboj amierykanskaj abo zamiežnaj kampanii, jakaja supracoŭničaje ŭ halinie raspracovak, vytvorčaści i prodažu techniki z «Rosoboroneksport». Da hetaha šerah členaŭ pałaty pradstaŭnikoŭ Kanhresa źviarnulisia z prośbaj da ministra abarony Čaka Chiejhieła prypynić supracoŭnictva z rasijskim eksparcioram vajennaj techniki.

Kantrakt na pastaŭku viertalotaŭ

U 2013 hodzie «Rosoboroneksport» i ŭrad ZŠA padpisali vialikaje pahadnieńnie na pastaŭku ŭ Afhanistan partyi z 30 viertalotaŭ. U kancy lutaha 2014 h. pradstaŭnik rasijskaha abaronna-pramysłovaha kompleksu paviedamiŭ, što RF pastaviła ŭ Afhanistan šeść mašyn z hetaj partyi. Tyja viertaloty, što zastalisia, buduć pastaŭleny na praciahu hoda partyjami pa šeść viertalotaŭ u kožnaj. Ahułam, u adpaviednaści z damoŭlenaściami, dla afhanskaj armii ŭ ramkach sumiesnych namahańniaŭ pa baraćbie ź mižnarodnym teraryzmam budzie pastaŭlena 63 mašyny Mi-17V5 na ahulnuju sumu $ 1,333 młrd. Usie pastaŭlenyja ŭ Afhanistan Mi-17V5 majuć sistemu načnoha bačańnia.

Mi-17V5 — sučasnaja madyfikacyja viertalotaŭ typu Mi-8/17 — raspracavany kanstruktarskim biuro Maskoŭskaha viertalotnaha zavoda imia Mila pry ŭdziele Kazanskaha viertalotnaha zavoda z ulikam dośviedu bajavoha prymianieńnia jaho papiarednikaŭ u roznych uzbrojenych kanfliktach, u tym liku ŭ Afhanistanie. Siońnia zvyš 2,4 tys. viertalotaŭ siamiejstva Mi-8/17 ekspłuatujucca bolš čym u 80 krainach.

• 0
• 0
• 0
• 0
• 0
• 0
• 0
• 0