Niamieckaja kontrvyviedka padazraje ŭ špijanažy tracinu piersanału rasiejskaj ambasady.
Rasiejskija śpiecsłužby ŭ vialikim abjomie viarbujuć u Niamieččynie infarmataraŭ u śfiery palityki i ekanomiki. Pra heta paviedamiła ŭ niadzielu, 20 krasavika, niamieckaja hazieta Welt am Sonntag sa spasyłkaj na źviestki, atrymanyja ŭ Fiederalnym ministerstvie achovy kanstytucyi FRH, paviedamlaje Niamieckaja chvala.
Jak piša vydańnie, metaj sakretnych ahientaŭ z Rasiei źjaŭlajecca zbor infarmacyi ŭ halinie ŭzbrajeńniaŭ, zamiežnaj i ekanamičnaj palityki Niamieččyny.
Dla hetaha jany naładžvajuć kantakt z pamočnikami deputataŭ bundestaha, supracoŭnikami niamieckich fondaŭ i ministerstvaŭ.
Sa słoŭ kiraŭnika Fiederalnaha ministerstva achovy kanstytucyi FRH Chansa-Hieorha Masiena (Hans-Georg Maaßen), «mabyć, ni dla jakich inšych śpiecsłužbaŭ vyviednaja dziejnaść u Niamieččynie nie źjaŭlajecca takoj važnaj, jak dla rasiejskich».
Supracoŭnik ministerstva Burkchard Efen adznačyŭ, što ahienty z Rasiei «vielmi dakładna analizujuć, chto mienavita moh by być dla ich cikavym», a zatym metaSkiravana naładžvajuć patrebnyja znajomstvy. Pavodle acenak niamieckaj kontrvyviedki, blizu traciny piersanału ambasady Rasiei ŭ Bierlinie tak ci inakš źviazanyja sa śpiecsłužbami.
Ciapier čytajuć
Ceny na paliva pavyšajucca na 4 kapiejki, a praz tydzień jašče na try2
Kamientary