Vyniki pieršaha kvartała 2014 hoda śviedčać ab ažyŭleńni biełaruskaj ekanomiki. Ab hetym havorycca ŭ paviedamleńni pres-słužby ŭrada.
Adznačajecca, što rost vałavoha ŭnutranaha praduktupa vynikach pieršaha kvartała 2014 hoda vyjšaŭ z zony admoŭnych značeńniaŭ i skłaŭ 100,5%. «Hetyja vyniki ŭdałosia dasiahnuć va ŭmovach stahnacyi źniešnich rynkaŭ i zapavolvańnia ekanamičnaha rostu ŭ asnoŭnych krainach-partniorach», — havorycca ŭ paviedamleńni.
Padkreślivajecca, što «stabilizavana situacyja ŭ pramysłovaści»: u sakaviku ŭ dačynieńni da lutaha hetaha hoda pramysłovaja vytvorčaść dabaviła 11,4%. Rańni pačatak viasnovych palavych rabot i rašeńni pa svoječasovym ich finansavańni stanoŭča adbilisia na pracy sielskaj haspadarcy: u sakaviku pradukcyja hetaha siektara ekanomiki ŭ haspadarkach usich katehoryj pryrasła na 13,4%.
U studzieni—lutym ekspart pieravysiŭ impart na 460,9 młn. dołaraŭ ZŠA. Stanoŭčaje źniešniehandlovaje salda ŭ lutym pryrasło na 193 młn. dołaraŭ ZŠA.
Zapasy hatovaj pradukcyi da siaredniamiesiačnaha ab`iomu vytvorčaści źnižajucca: na 1 krasavika 2014 hoda jany skłali 80,3%, što nižej čym u anałahičnym pieryjadzie 2013 hoda (82,1%).
«Vyniki pracy ekanomiki ŭ cełym znachodziacca ŭ ramkach indykatyŭnych paramietraŭ, zaćvierdžanych va ŭradzie», — adznačajecca ŭ paviedamleńni.
Kamientary