U Łuhansku pieradumali šturmavać abładministracyju, ale pastavili ŭltymatum da 16 krasavika
U Łuhansku aktyvisty, jakija źbiralisia šturmavać budynak abłasnoj administracyi (ADA), na zachop tak i nie pajšli. Zatoje pieradali abłasnoj uładzie svaje patrabavańni.
Zvarot da abłdziaržadministracyi i abłsavieta pierad prysutnymi začytaŭ adzin z aktyvistaŭ narodnaha apałčeńnia Łuhanščyny, jaki pradstaviŭsia Alaksiejem.
U pryvatnaści, mitynhoŭcy patrabujuć, kab abłasnyja ŭłady nie padparadkoŭvalisia Kijevu. Akramia taho, ad miascovaj ułady patrabujuć pryznańnie «narodnaha ruchu»:
«Kab nas nichto bolš nikoli nie nazyvaŭ sieparatystami, terarystami, bo takimi my nie źjaŭlajemsia», — prakamientavaŭ Alaksiej.
Treci punkt — vyzvaleńnie ŭsich zatrymanych prarasijskich aktyvistaŭ.
Abłasnaja ŭłada pavinna aznajomicca z zajavaj i paznačyć svaju pazicyju da 16 krasavika.
U advarotnym vypadku aktyvisty hatovyja vybrać sabie novych deputataŭ, bolš za toje, kali ich nie pačuje ŭłada, jany nie ručajucca za svaje dalejšyja dziejańni.
Na mitynhu kala ADA byli zaŭvažanyja kazaki z šeŭronami RF.
U hety momant aktyvisty pakidajuć płošču kala administracyi.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary