Ministar zamiežnych spravaŭ Rasiei Siarhiej Łaŭroŭ abvinavaciŭ krainy Zachadu ŭ raspaŭsiudžvańni antyrasiejskich nastrojaŭ i papiaredziŭ, što takaja palityka moža pastavić pad pahrozu eŭrapiejskuju stabilnaść.
Vystupajučy 11 krasavika ŭ MZS u Maskvie, Łaŭroŭ ahučyŭ raniejšuju pazycyju Kramla, pavodle jakoha va ŭrehulavańni ŭkrainskaha kryzysu pavinny ŭziać udzieł i prarasiejskija, separatysckija siły va Ŭkrainie:
«My ličym, što zabiaśpiečyć deeskalacyju ŭkrainskaha kryzysu całkam mahčyma. Dziela hetaha nieabchodna spynić naviazvańnie palityki ździejśnienych faktaŭ, spynić sproby lubym čynam lehitymizavać «majdanny» ŭrad, nie raźvivajučy dyjalohu z usimi biez vyniatku palityčnymi siłami i rehijonami Ŭkrainy».
U svaim vystupie Łaŭroŭ taksama padkreśliŭ nehatyŭnaje staŭleńnie Maskvy da ŭstupleńnia Ukrainy ŭ NATO, zajaviŭšy, što Ŭkraina pavinna zakanadaŭčym čynam aformić svoj «pazablokavy status».
Tym časam Bieły dom zajaviŭ, što ŭ apošniaj telefonnaj razmovie prezydent ZŠA Barak Abama i kanclerka Niamieččyny Anhieła Merkiel pahadzilisia, što Rasieja pavinna biezumoŭna advieści svaje vojski ad miažy z Ukrainaj, kali jana choča deeskalacyi kanfliktu.
U zajavie taksama havorycca, što Abama «padkreśliŭ nieabchodnaść dla Złučanych Štataŭ, Eŭrasajuzu i inšych hlabalnych partneraŭ być hatovymi da ŭviadzieńnia dadatkovych sankcyj» suprać Maskvy ŭ vypadku dalejšaj rasijskaj eskalacyi kanfliktu z Ukrainaj.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy79
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary