Daterminovy zapusk Biełaruskaj atamnaj elektrastancyi (BiełAES) budzie mieć stanoŭčy efiekt dla ekanomiki krainy, zajaviŭ namieśnik ministra enierhietyki Michaił Michadziuk na pres-kanfierencyi 1 krasavika ŭ Minsku.
«Ja b pažadaŭ našym budaŭnikam, mantažnikam, subpadradnym arhanizacyjam, kab my ŭviali druhi enierhabłok daterminova», — skazaŭ jon.
Hałoŭny inžynier pradstaŭnictva AAT «NIAEP» (hienieralny prajekciroŭščyk BiełAES) Juryj Niarecin paviedamiŭ, što raboty na druhim błoku elektrastancyi viaducca z apiaredžańniem hrafika na šeść-vosiem miesiacaŭ.
Pavodle jaho słoŭ, padrychtoŭčy pieryjad budaŭnictva AES faktyčna zavieršany. «Hety pieryjad uklučaŭ padrychtoŭku katłavana, stvareńnie infrastruktury dla budaŭnictva AES. Ź listapada 2013 hoda pačaŭsia asnoŭny pieryjad budaŭnictva stancyi, jaki ŭklučaje stvareńnie nieabchodnaha fundamienta, budynkaŭ i pabudoŭ», — skazaŭ Niarecin.
Jak zaznačyŭ ekśpiert, na hety čas układziena kala 54 tys. kubamietraŭ bietonu i kala 13 tys. ton mietału. «Adnačasova viaducca raboty pa armiravańni fundamientaŭ druhoha błoka», — skazaŭ Niarecin.
U 2011 hodzie Biełaruś pačała budaŭnictva atamnaj elektrastancyi na Astravieckaj placoŭcy ŭ Hrodzienskaj vobłaści. Pieršy błok stancyi płanujecca ŭvieści ŭ ekspłuatacyju ŭ 2018 hodzie, druhi — u 2020-m. Sumarnaja mahutnaść dvuch enierhabłokaŭ składzie kala 2,4 tys. MVt.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach2
Kamientary