Darja Domračava pieramahła na etapie Kubka śvietu ŭ Chołmienkolenie
Na hetym tydni ŭ Narviehii adbyvajecca apošni ŭ siezonie 2013/2014 etap Kubku śvietu pa bijatłonie. Pieršymi ŭ prahramie spabornictvaŭ značylisia sprynty.
Biełaruska Darja Domračava, jakaja praviała nie nadta ŭdały etap u finskim Kantyjałachci, na hety raz akazałasia ŭ tonusie. Domračava vydatna išła pa dystancyi, na hety raz servismieny ŭhadali sa šmaravidłam. U baraćbie nahami kankurencyju joj mahła skłaści finka Kajsa Makarajnien, lidar ahulnaha zaliku.
Tym nie mienš, stralba ŭ Kajsy nie załadziłasia. Finka na dvuch ahniavych rubiažach pachibiła až čatyry razy. Domračava, na žal, taksama nie zmahła pierarvać sieryju honak sa štrafnymi kołami. Biełaruska nie patrapiła ŭ mišeni adzin raz.
Ale Domračava usio adno zmahła ŭźniacca na pieršaje miesca. Narviežka Tura Bierhier zaniała druhoje miesca, sastupiŭšy Domračavaj 10 siekund. Treciaja amierykanka Sjuzan Dankli (33 siekundy adstavańnia) – heta jaje pieršy pjedestał.
U astatnich biełarusak honka nie nadta zadałasia: Nastaśsia Dubarezava – 45-aja, Ludmiła Kalinčyk – 48-aja, Nadzieja Skardzina – 53-aja, Nastaśsia Kalina – 60-aja.
U subotu adbudziecca honka praśledvańnia, a ŭ niadzielu – masstart. Na dadzieny momant, Domračava zajmaje treciaje miesca ŭ ahulnym zaliku Kubka śvietu, sastupajučy Makarajnien i Bierhier.
Ciapier čytajuć
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8282
Kamientary