Rasija pačakaje z kuplaj jeŭraablihacyj Ukrainy, pakul u hetaj krainie nie budzie sfarmavany novy ŭrad i ekanamičnaja palityka. Pra heta paviedamlaje RIA «Novosti» sa spasyłkaj na rasijskaha ministra finansaŭ Antona Siłuanava.
«My sapraŭdy abmiarkoŭvali pytańnie kupli jeŭrabondaŭ na minułym tydni, ale, pakolki situacyja va Ukrainie rezka źmianiłasia, my pavinny razumieć, ź jakim uradam nam supracoŭničać. My majem namier pačakać farmiravańnia novaha ŭrada, razumieńnie jaho ekanamičnaj palityki», — zajaviŭ ministr.
«My ŭžo ŭkłalisia ŭ jeŭraablihacyi Ukrainy, u minułym hodzie vykupili na 3 miljardy dalaraŭ. My taksama pastaŭlajem haz na Ukrainu ŭ adpaviednaści z tymi damoŭlenaściami, jakija ŭ nas byli pa terminach», — adznačyŭ Siłuanaŭ.
Pavodle jaho słoŭ, zaraz Ukrainie nieabchodna vyznačycca sa svajoj ekanamičnaj palitykaj, bo ŭ ich hety hod «niaprosty z punktu hledžańnia pahašeńnia daŭhoŭ pierad zamiežnymi kredytorami, pierad MVF».
Kamientary