Z tok-šou Vadzima Hihina vyrazali słovy pra toje, što dziaržaŭnaja rehistracyja ŚMI — anachranizm
Juryst Biełaruskaj asacyjacyi žurnalistaŭ Andrej Bastuniec byŭ zaprošany na tok-šou Vadzima Hihina «Pazicyja» 10 lutaha, pryśviečanaje temie rehistracyi internet-ŚMI. Paśla efiru juryst padzialiŭsia ŭražańniami.
«Paśla saŭdziełu ŭ tok-šou ANT uzhadaŭ, što nie skazaŭ pra… Niderłandy. Što
tam rehistracyju drukavanych ŚMI pryznali niekanstytucyjnaj jašče ŭ 1892, — a my ŭ XXI stahodździ surjozna abmiarkoŭvajem rehistracyju internet-miedyjaŭ!
Paśla prahladu prahramy ŭ zapisie supakoiŭsia. Zusim nie fakt, što hetaja fraza prahučała b u efiry.Jak nie prahučali, naprykład:
- Statystyka admovaŭ Mininfarmacyi ŭ rehistracyi drukavanych ŚMI za try hady (105 admovaŭ),
- Remarka pra toje, što BAŽu ŭ Biełarusi čamuści zabaranili vydavać paśviedčańni žurnalistaŭ, choć va ŭsim śviecie žurnalisckija sajuzy heta robiać (u suviazi z vykazvańniem apanientaŭ ab tym, što internet-ŚMI treba rehistravać dla taho, kab dać ich supracoŭnikam pravy žurnalistaŭ),
- Zaŭvaha, što raspaŭsiud zakanadaŭstva ab ŚMI na navinavyja sajty ničoha nie vyrašyć, pakolki jany zajmajuć tolki nievialiki siehmient u internecie, i składana zrazumieć, jak heta zakanadaŭstva budzie ŭpłyvać na, skažam, sacyjalnyja sietki abo zamiežnyja internet-resursy…
Ale bolš za ŭsio mnie škada, što pry kancy prahramy byli «źjedzienyja» słovy Juryja Zisiera, jaki reziumavaŭ našu ź im pazicyju — pra toje, što zamiest rehistracyi internet-miedyjaŭ treba likvidavać rehistracyju ŚMI jak takuju», — piša Andrej Bastuniec na sajcie BAŽ.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Łukašenka zajaviŭ pra hatoŭnaść pryjechać u Kijeŭ94
Kamientary