Narodnaje vieča admieniena: Kijeŭ raźvitvajecca ź biełarusam Michaiłam Žyźnieŭskim
Čarhovaje Narodnaje vieča, jakoje ŭ apošnija dva miesiacy prachodziła ŭ Kijevie štoniadzielu, admieniena z-za pachavańnia aktyvista Jeŭramajdanu biełarusa Michaiła Žyźnieŭskaha, jaki byŭ zabity kulaj 22 studzienia.
Na Majdanie abvieščany dzień žałoby.
Ab hetym paviedamlajecca na sajcie partyi «Baćkaŭščyna».
Chvilinaj maŭčańnia ŭšanavali pamiać Michaiła Žyźnieŭskaha na Majdanie Niezaležnaści.
Raniej aktyvista adpieli ŭ sabory Michajłaŭskaha Złatovierchaha manastyra. Tudy pryjšli tysiačy ludziej. Zajści ŭ carkvu zmahli nie ŭsie žadajučyja — płošča pierad chramam była zapoŭnienaja ludźmi. Na scenie Majdana adnačasova adbyŭsia malebien. Paśla panichidy cieła aktyvista pranieśli z sabora pa vulicach horada da Majdanu.
Jaho pravodziać pad pieśniu «Plivie kača», jaho lubimuju pieśniu.
Michaił Žyźnieŭski zahinuŭ padčas supraćstajańniaŭ ź siłavikami na vulicy Hrušeŭskaha ŭ sieradu. Pryčynaj śmierci stali ahniastrelnyja ranieńni.
Siońnia jamu spoŭniłasia b 26 hadoŭ.
U mierapryjemstvach biaruć udzieł rodnyja zahinułaha, lidery apazicyi, narodnyja deputaty, udzielniki Jeŭramajdana.
Maci Michaiła raspaviała, što jon budzie pachavany na mohiłkach u dziesiaci kiłamietrach ad Homiela, dzie ŭžo jość pachavańni ich svajakoŭ.
Live streaming video by Ustream
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary