Šviejcaryja niečakana dla siabie moža zaklučyć pahadnieńnie ab svabodnym handli ź Biełaruśsiu

piša InoPressa.ru sa spasyłkaj na miascovaje vydańnie Tagesanzeiger.

Sprava ŭ tym, što raniej Jeŭrapiejskaja asacyjacyja svabodnaha handlu (JEASH), kudy akramia Šviejcaryi taksama ŭvachodziać Narviehija, Isłandyja i Lichtenštejn, niekalki hadoŭ tamu pačała pieramovy pra pahadnieńnie ab svabodnym handli z Rasijaj, adnak u 2009 hodzie Rasija, Biełaruś i Kazachstan uvajšli ŭ Mytny sajuz, u vyniku čaho pieramovy praciahnulisia ŭžo z hetymi tryma dziaržavami.

Usio heta pastaviła Šviejcaryju, jakaja jašče ŭ 2006 hodzie ŭviała sankcyi suprać biełaruskich uładaŭ, pierad surjoznaj dylemaj. Inšyja krainy-ŭdzielnicy JEAST sutyknulisia z tymi ž prablemami, adnak vyrašyli praciahnuć pieramovy. Šviejcaryja, jak zajaviŭ były pasoł krainy ŭ SHA Lucyus Vazieša, prytrymlivałasia anałahičnaj pazicyi.

«Usie ŭśviedamlali, što pieramovy ź Biełaruśsiu byli vybuchovaniebiaśpiečnyja z palityčnaha punktu hledžańnia, tamu byŭ znojdzieny kampramis: u Minsku nie pavinna było pravodzicca nijakich pieramovaŭ i pradstaŭniki ad Biełarusi nie mahli vystupać u roli ich arhanizataraŭ».

Zrazumieła, pa słovach dypłamata, heta była vielmi niezvyčajnaja situacyja, ale «ŭ nas nie było inšaha vybaru». Pahadnieńnie ab svabodnym handli z Rasijaj ujaŭlaje vielizarnuju važnaść dla ekanomiki, kab admaŭlacca ad jaho praź inšych siabraŭ Mytnaha sajuza.

Adnak parłamientaryi kažuć, što nie byli prainfarmavanyja i ničoha pra dylemu nie viedali. Jak zajaviła staršynia parłamienckaj hrupy pry Nacyjanalnaj radzie Krysta Markvalder, havorka idzie ab sistematyčnych prablemach Biełarusi, a «sankcyi jakraz i źjaŭlajucca ekanamičnym ryčahom, jaki ŭžyvajuć dziela taho, kab palepšyć situacyju z pravami čałavieka ŭ kožnaj asobna ŭziataj krainie».

Pahadnieńnie ž ab svabodnym handli, naadvarot, budzie sadziejničać raźvićciu handlovych adnosin. «Sankcyi i svabodny handal — heta supiarečnaść».

Anałahičnaha mierkavańnia, jak padkreślivaje aŭtar artykuła, prytrymlivajecca i staršynia parłamienckaj hrupy pry Nacyjanalnaj radzie Ciurycha Marcin Nef. Tak, palityk adznačaje, što «nie razumieje, jak pry zaklučeńni pahadnieńnia z Rasijaj možna prosta tak pasadzić Biełaruś u bakavuju kałysku i ničoha pry hetym nie zaŭvažyć».

Šviejcarskija sankcyi suprać Biełarusi praduhledžvajuć abmiežavańnie ŭjezdu na terytoryju Kanfiederacyi dla šerahu čynoŭnikaŭ, zamarožvańnie ich rachunkaŭ i majomaści i zabarona pastavak peŭnych tavaraŭ.

• 0
• 0
• 0
• 0
• 0
• 0
• 0
• 0