Film stanie remejkam savieckaha filma «Palot u krainu pačvaraŭ».
U 1987 hodzie jaho źniaŭ na «Biełaruśfilmie» režysior Uładzimir Byčkoŭ (viadomy jak stvaralnik filma «Žycije i ŭźniasieńnie Jurasia Bratčyka» pavodle ramana Uładzimira Karatkieviča «Chrystos pryziamliŭsia ŭ Harodni».
Film byŭ stvorany pa matyvach fantastyčnaj apovieści – kazki piśmieńnika Eduarda Skobieleva «Niezvyčajnyja pryhody Arbuzika i Biabieški».
«Kniha zusim nie sastareła — jaje hieroi zastajucca aktualnymi – pisaŭ krytyk Pavieł Abramovič. – Asabliva karol-viadźmak Dularys, jaki zabiŭ dvuch dobrych čaradziejaŭ, što dapamahli jamu ŭ baraćbie za ŭładu, i pieratvaryŭ bolšuju častku žycharoŭ krainy ŭ trusoŭ i aviečak. Jak vam hety vobraz? A repliki Dularysa? Jany ž prosta šykoŭnyja:
«Jak bačycie, ja kožny dzień vydumlaju cudoŭnyja zakony. Ni dnia biez zakonu — heta dobraja zvyčka. I vam, i mnie jana prynosić šmat zdaroŭja i radaści… Siońnia ranicaj, pračnuŭšysia, ja padumaŭ: «Jak dobra, kali paddanyja lubiać svajho karala i nie žadajuć ničoha, čaho nie žadaje karol!»
Letaś pryvatnaja kinakampanija New Wave Production vyjhrała adkryty respublikanski konkurs Ministerstva kultury na stvareńnie hulniavoha dziciača-junackaha filma.
Režysioram budzie Dzianis Skvarcoŭ. Vučań Michaiła Ptašuka, jon viadomy jak stvaralnik vajennych pastanovak «Bresckaja krepaść», «Ščyt Ajčyny» i «Dniaproŭski rubiež». U filmie zdymajucca kupałaŭcy Tamara Mironava, Raman Padalaka i Aleh Harbuz, a taksama akciory Alaksandr Kašpieraŭ, Alesia Puchavaja, Alaksandra Bahdanava. Hałoŭnyja roli vykonvajuć Jan Šulak i Illa Kapaniec.
Premjera filma, bolšaja častka jakoha pradstaŭlena animacyjaj, čakajecca ŭ 2015 hodzie.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary