Biełaruś užo siońnia voźmie ŭdzieł ŭ svaim «Jeŭrabačańni» ŭ Danii

U subotu ŭ minskaj Ratušy adbylisia ŭračystyja pravodziny mužčynskaj zbornaj Biełarusi na čempijanat Jeŭropy pa handbole, što pačynajecca ŭ Danii ŭžo siońnia matčami Isłandyja — Narviehija dy Čechija — Aŭstryja.

16 faktyčna najlepšych kamandaŭ śvietu (mienavita tak, bo mužčynskija kamandy Jeŭropy na hałavu vyšejšyja za astatnija kantynienty) raźbityja na čatyry hrupy:

A: Čechija, Aŭstryja, Danija (dziejučy čempijon Jeŭropy), Makiedonija.

V: Isłandyja, Narviehija, Ispanija (dziejučy čempijon śvietu), Vienhryja.

S: Sierbija, Polšča, Francyja, Rasija.

D: Biełaruś, Charvatyja, Šviecyja, Čarnahoryja.

Pieršy matč padapiečnyja Juryja Šaŭcova zhulajuć u paniadziełak z Charvatyjaj (pačatak u 20:00).

Charvaty byli našymi supiernikami hod nazad u 1/8 finału čempijanatu śvietu ŭ Ispanii, i biełarusy prajhrali 24:33 (pieršy tajm naohuł byŭ biez šancaŭ — 9:21).

U sieradu biełarusy zhulajuć sa Šviecyjaj (pačatak u 22:15), u piatnicu — ci nie samy važny dla nas matč u hrupie — z Čarnahoryjaj (22:15), jakaja vybiła ŭ płej-of papiaredniaha turniru zbornuju Hiermanii.

U nastupny raŭnd vychodziać pa try kamandy. Kamandy hrupy D dałučacca da troch kamandaŭ z hrupy S.

U vyniku turnir budzie raźbity na dźvie šaściorki, i zbornyja praviaduć 19, 21 i 23 studzienia jašče try hulni.

Zatym — paŭfinały (čverćfinałaŭ nie budzie), a taksama matč za 5-je miesca, finał projdzie 26 studzienia.

Kab trapić na čempijanat śvietu, što projdzie ŭ 2015 h. u Katary, treba trapić u lik troch najlepšych kamandaŭ.

Učora, 11 studzienia, lidar zbornaj Biełarusi Siarhiej Rutenka adkazaŭ na pytańni žurnalistaŭ:

— Vaša dumka pra supiernikaŭ? Z čym pryjdziecca sutyknucca zbornaj Biełarusi ŭ Danii?

— Kali koratka, to z chutkim, dynamičnym handbołam. Usie try kamandy našaj hrupy jaho vyznajuć. Spadziajusia, što z čarnahorskim varyjantam my damo rady. Choć apošni čempijanat śvietu pakazaŭ, što z hetaj zbornaj budzie taksama vielmi ciažka.

— Chto vaš hałoŭny supiernik na čempijanacie?

— Miarkuju, što Čarnahoryja. Budziem staracca začapić šviedaŭ. Z charvatami, viadoma, budzie ciažka, ale taksama budziem zmahacca.

— Kažuć, što ŭ paŭdniovych narodaŭ vysokaja samaśviadomaść. Što hatovyja supraćpastavić?

— Dyscyplinu.

— Zbornuju Biełarusi možna nazvać kamandaj siaredniaha jeŭrapiejskaha ŭzroŭniu?

— Tak. Dva top-turniry, jakija my zhulali, dazvalajuć tak kazać. Ale, ščyra kažučy, nie chočacca chadzić tolki ŭ sieradniakach.

Matčy zbornaj Biełarusi budzie pakazvać u žyvym efiry telekanał «Biełaruś-2». Takim čynam pieršy matč u paniadziełak, 13 studzienia, u 20:00, matč suprać Charvatyi.

• 0
• 0
• 0
• 0
• 0
• 0
• 0
• 0