U Minsku ŭ subotu abviančalisia palityk Pavieł Sieviaryniec i Volha Šyłak — foty i videa
Viančańnie palityka, eks-palitviaźnia Paŭła Sieviarynca i Volhi Šyłak prachodzić siońnia ŭ Minsku. Cyrymonija pačałasia ab 11-j ranicy ŭ Katedralnym kaściole na płoščy Svabody.
Na śviatočnuju imšu pryjšli 70 čałaviek.
Pravasłaŭny Pavieł i Volha — jana z katalickaj siamji — paznajomilisia piać hadoŭ tamu.
Volha naradziłasia ŭ Vilni, ale chutka paśla naradžeńnia jaje baćki pierajechali ŭ miastečka Hruzdava Pastaŭskaha rajona. Ciapier baćki žyvuć u vioscy Baravyja Miadzielskaha rajona, heta na zachodnim bierazie voziera Narač.
Volha vykładaje polskuju movu ŭ pryvatnaj adukacyjnaj firmie.
Pavieł — načalnik štaba eks-kandydata Vitala Rymašeŭskaha — byŭ zatrymany i źmieščany ŭ SIZA KDB. U mai 2011 h. byŭ asudžany i adpraŭleny na «chimiju» ŭ v. Kuplin Pružanskaha rajona.
Volha pieryjadyčna adviedvała budučaha muža.
Rośpis u ZAHSie adbyŭsia za dva tydni da carkoŭnaha šlubu.
Śviedkam z boku Sieviarynca byŭ były palitviazień Źmicier Daškievič.
Sieviaryniec i Šyłak upieršyniu paznajomilisia dziakujučy siabru, Kastusiu Šytalu. Tady Sieviaryniec z Šytalem razam zdymali kvateru, i Šytal zaprasiŭ Volhu ź siabroŭkaj u hości.
Paet Michaś Skobła tak sfarmulavaŭ u svaim Fejsbuku pažadańnie maładym: «Kab ich łožak časta rypaŭ, i da hoda synok vypaŭ!»
A baćka Paŭła Kastuś Sieviaryniec, jak kolišni artyleryst, pažadaŭ, kab u spravie źjaŭleńnia naščadkaŭ Pavieł «paliŭ, jak z harmaty». «Pavieł nachapaŭsia hramadskaha ščaścia pa samuju makaŭku. A ciapier mnie chaciełasia b, kab u jaho było ščaślivaje siamiejnaje žyćcio. Ja jaho bolš nie vychoŭvaju. Ciapier užo Pavieł mianie vychoŭvaje. Jon i hłybiej mianie dumaje, i šyrej razumieje», — tak aadkazaŭ baćka na pytańnie pra hramadskuju dziejnaść syna.
Ciapier čytajuć
«Jana hadami ciarpieła, a paśla adzin raz udaryła muža nažom — hetaha chapiła, kab zabić»5
Kamientary