Cichaakijanskaja dziaržava Nauru vyrašyła spahaniać 7 tys. dalaraŭ vizavych zboraŭ z žurnalistaŭ, jakija žadajuć naviedać vyspu, pavialičyŭšy takim čynam jaje košt u 40 razoŭ.
Niekatoryja naziralniki vykazali zdahadku, što za rašeńniem uładaŭ respubliki staić Aŭstralija, jakaja choča abmiežavać dostup ŚMI ŭ aŭstralijski imihracyjny centr.
Umovy ŭtrymańnia ŭciekačoŭ u Nauru nieadnarazova padviarhalisia krytycy z boku AAN i pravaabarončych arhanizacyj.
Urad u Jarenie śćviardžaje, što novaja pošlina tolki zaklikanaja papoŭnić biudžet astraŭnoj dziaržavy.
Pa paviedamleńniach niekatorych ŚMI, biudžet Nauru značna pryros rasijskimi srodkami paśla taho, jak respublika pryznała niezaležnaść Abchazii i Paŭdniovaj Asiecii.
Nauru — karlikavaja dziaržava na adnajmiennaj karałavaj vyśpie ŭ zachodniaj častcy Cichaha akijana płoščaj 21,3 km² i nasielnictvam 11,3 tys. čałaviek. Niezaležnaść abvieščana ŭ 1968 hodzie. U stalicy, horadzie Jaren, pražyvaje 1 100 čałaviek.
Ciapier čytajuć
Žaleznaja zasłona ŭ dziejańni: jak źmienšyłasia kolkaść pierasiačeńniaŭ miažy Biełarusi i Jeŭrasajuza za apošnija hady27
Kamientary