Ministar transpartu i kamunikacyj Biełarusi Uładzimier Sasnoŭski: «Heta suśvietnyja lidery, jakija majuć vialikuju praktyku ŭ stvareńni takich pradpryjemstvaŭ.»
Bujnyja kampanii ZŠA i FRH hatovy ŭdzielničać u hienieralnym prajektavańni i budaŭnictvie novaha avijaramontnaha zavoda ŭ Biełarusi. Ab hetym paviedamiŭ siońnia ŭ parłamiencie žurnalistam ministr transpartu i kamunikacyj Biełarusi Uładzimir Sasnoŭski.
«Heta suśvietnyja lidery, jakija majuć vialikuju praktyku ŭ stvareńni takich pradpryjemstvaŭ. Hetyja zamiežnyja kampanii mohuć harantavać siertyfikacyju na adpaviednaść mižnarodnym patrabavańniam, što źjaŭlajecca vielmi važnym stratehičnym momantam. Heta značyć, pa sutnaści, što hetyja pradpryjemstvy buduć u Biełarusi dylerami «Boinha» i «Aerobusa», — skazaŭ ministr.
Prajekt budaŭnictva zavoda aceńvajecca da $170 młn., a razam ź nieabchodnaściu likvidacyi staroha pradpryjemstva i dobraŭparadkavańnia infrastruktury ŭ rajonie aeraporta «Minsk‑2» — amal $200 młn. Pavodle słoŭ Uładzimira Sasnoŭskaha, heta papiarednija raźliki, zroblenyja z techničnym abhruntavańniem. Biźnies‑płan pakul jašče raspracoŭvajecca i pavinien być hatovy da siaredziny kastryčnika.
Ciapier taksama viaducca pierahavory ź niekalkimi patencyjalnymi inviestarami z Rasii. Šerah rasijskich finansava‑pramysłovych hrup vykazvaje cikavaść da invieściravańnia hetaha prajekta. Pieradadzieny prapanovy i ŭ krainy dalokaha zamiežža, u pryvatnaści ŭ Abjadnanyja Arabskija Emiraty.
«My ličym hety prajekt vysokaefiektyŭnym, ekspartaaryjentavanym. Jon moža vyklikać cikavaść u zamiežnych inviestaraŭ», — adznačyŭ ministr transpartu i kamunikacyj Biełarusi.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary