Pra heta havorycca ŭ paviedamleńni z 55-ha plenarnaha pasiadžeńnia Kanfierencyi Katalickich Biskupaŭ Biełarus (punkt 8):
U pryvatnaści, u paviedamleńni z pasiadžeńnia adznačajecca:
«Taksama Mitrapalit Tadevuš Kandrusievič prainfarmavaŭ udzielnikaŭ pasiadžeńnia, što z samaha pačatku aryštu ksiandza Uładzisłava Łazara Kuryja Minska-Mahiloŭskaj archidyjacezii zabiaśpiečvaje śviataru advakackuju apieku. U suviazi z vyšejskazanym usia inšaja infarmacyja ŭ ŚMI nakont advakata ŭ hetaj spravie źjaŭlajecca niedakładnaj».
Pra aryšt ksiandza Uładzisłava Łazara stała viadoma ŭ kancy lipienia.
Paźniej, sa spasyłkaj na Katalicki kaścioł, stała viadoma, što ksiandzu U. Łazaru stavicca ŭ vinu pieradača hrošaj i materyjalnych kaštoŭnaściej čałavieku, jaki abvinavačvajecca ŭ špijanažy na karyść inšaj dziaržavy. Jon abvinavačvajecca pavodle p. 1 art. 356 Kryminalnaha kodeksa (zdrada dziaržavie). Jaho kryminalnaja adkaznaść vyznačajecca p. 6 art. 16 KK (sadziejničańnie ŭ złačynstvie), što praduhledžvaje termin pakarańnia ad 7 da 15 hadoŭ. Ks. U. Łazar ŭtrymlivajecca ŭ turmie SIZA KDB u Minsku. Infarmacyju pra heta raspaŭsiudziła Kanfierencyja katalickich biskupaŭ Biełarusi 12 vieraśnia.
Sprava ks. Łazara abmiarkoŭvałasia na sustrečy Apostalskaha nuncyja Kłaŭdya Hudžeroci z Papam Franciškam, 25 kastryčnika nuncyja sustreŭsia z Uładzisłavam Łazaram u SIZA KDB.
Kamientary