Zimovaje nadvorje pryjdzie ŭ Biełaruś u pačatku nastupnaha tydnia
U Minsku minusavyja tempieratury čakajucca ad aŭtorka abo sierady.
Zimovaje nadvorje pryjdzie ŭ Biełaruś užo ŭ pačatku nastupnaha tydnia, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
«Razam z paŭnočnymi viatrami ŭ Biełaruś pryjdzie prykmietnaje pachaładańnie», — adznačyŭ Rabaŭ.
Miescami vypadzie karotkačasovy śnieh, na asobnych učastkach daroh čakajecca hałalodzica. Tempieratura pavietra na poŭnačy čakajecca da minus 7, na poŭdni budzie vahacca kala nula.
Siaredniemiesiačnyja tempieratury śniežnia čakajucca ŭ miežach klimatyčnaj normy, charakternaj dla hetaha času hoda.
U cełym pa respublicy tempieratura pavietra budzie vahacca ad minus 2 hradusaŭ pa paŭdniovym zachadzie da 5 hradusaŭ sa znakam minus pa paŭnočnym uschodzie krainy.
«Na bolšaj častcy terytoryi krainy ŭstalujecca śniežnaje pokryva, — dadaŭ Dźmitryj Rabaŭ. - A da kanca pieršaha miesiaca zimy jaho vyšynia moža dasiahnuć 4-10 sm, pryčym ad 18 da 22 dzion miesiaca buduć śniežnymi».
Kolkaść apadkaŭ čakajecca ŭ miežach siarednich šmathadovych značeńniaŭ — ad 32 da 44 mm. Da 15 dzion miesiaca buduć tumannymi, prykładna ciaham 5 dzion čakajecca zavirucha.
«Heta papiaredni prahnoz, jaki apraŭdvajecca na 70%», — padkreśliŭ Dźmitryj Rabaŭ.
U Biełarusi samy ciopły śniežań naziraŭsia ŭ 2006 hodzie, kali siaredniamiesiačnaja tempieratura pavietra skłała plus 2,6 hradusa. Samy chałodny pieršy zimovy miesiac byŭ zafiksavany ŭ 1978 hodzie: tady siaredniaja tempieratura pavietra za miesiac skłała minus 10 hradusaŭ.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary