U Tatarstanie raźbiŭsia «Boinh»: 50 achviaraŭ, siarod ich syn prezidenta Minichanava
Pavodle MNS Rasii, samalot vybuchnuŭ u časie niaŭdałaj sproby pryziamlicca.
U mižnarodnym aeraporcie «Kazań» (Tatarstan, Rasija) pry pasadcy paciarpieŭ krušeńnie samalot Boeing rejsam «Maskva-Kazań». Zahinuli 50 čałaviek, 44 ź jakich pasažyry, a taksama 6 členaŭ ekipaža, paviedamlaje RIA Novosti.
Katastrofa zdaryłasia a 19.45 pa maskoŭskim časie. Pavodle MNS Rasii samalot Boeing 737 vybuchnuŭ.
Samalot naležaŭ avijakampanii «Tatarstan», paviedamiŭ pradstaŭnik Rasavijacyi ahienctvu «Prajm».
«Było try sproby zachoda na pasadku. Boeing 737-500 avijakampanii «Tatarstan» lacieŭ z Maskvy ŭ Kazań. Samalot sutyknuŭsia ź ziamloj na lotnym poli aeradroma», — skazaŭ pradstaŭnik Rasavijacyi.
Pavodle apošniaj infarmacyi, abnarodavanyja śpiski zahinułych. Siarod ich fihuruje syn prezidenta Tatarstana Irek Minichanaŭ, kiraŭnik Upraŭleńnia rasijskaj śpiecsłužby FSB pa Tatarstanie Alaksandr Antonaŭ, žonka viadomaha rasijskaha spartyŭnaha kamientatara Ramana Skvarcova.
Pamyłka piłotaŭ?
Papiaredniaja asnoŭnaja viersija krušeńnia samalota ŭ aeraporcie Kazani — pamyłka ekipaža, zajaviła ahienctvu RIA Novosti krynica ŭ pravaachoŭnych orhanach rehijona.
«U jakaści asnoŭnaj viersii razhladajecca pamyłka ekipaža, tak zvany čałaviečy faktar».
Pavodle papiarednich źviestak, samalot pry pasadcy ŭdaryŭsia nosam ab uźlotna-pasadačnuju pałasu, udakładniła krynica.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary