Supracoŭniki minskaj milicyi zatrymali dvuch inšaziemcaŭ, jakija padazrajucca va ŭčynieńni sieryi machlarstvaŭ u dačynieńni da piensijanieraŭ.
Jak paviedamili ŭ HUUS Minharvykankama, u druhoj pałovie vieraśnia ŭ stalicy było ŭčyniena piać adnatypnych machlarstvaŭ. Ich achviarami stali vyklučna pažyłyja ludzi, jakija svaje źbieražeńni zachoŭvali na rachunkach u bankach. Ahulnaja suma ŭronu skłała amal 600 młn. rubloŭ.
Złačyncy nazyvalisia zamiežnymi studentami-miedykami, naprykład, ź Irana abo Tadžykistana. Jany znajomilisia ź piensijanierami.
Dalej raskazvałasia dušaščypalnaja historyja ab tym, što terminova nieabchodna apłacić navučańnie, patrebnuju sumu pieraviaduć z-za miažy, voś tolki im — inšaziemcam — nielha na siabie adkryć bankaŭski rachunak u Biełarusi. Voś dla hetaha i patrebna dapamoha biełarusaŭ (kaniešnie, tych, chto maje ŭłasny bankaŭski rachunak). Za akazańnie takoj pasłuhi abiacałasia ŭznaharodžańnie da 500 dołaraŭ.
Dalej, kab paźbiehnuć nieparazumieńni pry pieravodzie, haspadaram rachunku prapanoŭvałasia źniać ułasnyja źbieražeńni dla taho, kab pakinuć rachunak pustym.
Pryčym absalutna nienadoŭha. Hrošy na apłatu vučoby pavinny pastupić litaralna na praciahu hadziny. Dla zručnaści hety čas možna pieračakać u mašynie «studentaŭ» za vuhłom.
Dalej afierysty imknulisia da taho, kab suma biełarusa pad niejkaj markaj była pieradadziena im u ruki.
Časam heta adbyvałasia jašče pry padychodzie da aŭto, časam niepasredna ŭ sałonie. Pry hetym u jakaści haranta finansavaj zabiaśpiečanaści achviaram demanstravaŭsia važki pačak dołaravych kupiur (na pravierku jon akazaŭsia «lalkaj»). Kali ž hrošy akazvalisia ŭ rukach złačyncaŭ, tyja adciahvali ŭvahu svaich achviar i paśpiachova reciravalisia.
Pry hetym «studenty» nastolki ŭvachodzili ŭ davier da pažyłych ludziej, što tyja nie mahli pavieryć, što takija dobrazyčlivyja chłopcy mohuć ašukać. Prosta adbyłosia niejkaje nieparazumieńnie.
Padazravanyja byli zatrymany ŭ zdymnym katedžy pad Minskam 3 kastryčnika pry padtrymcy bajcoŭ śpiecpadraździaleńnia MUS «Ałmaz». Zatrymanymi akazalisia 36-hadovy i 27-hadovy hramadzianie adnoj z sumiežnych dziaržaŭ. U ich kanfiskavana častka vykradzienych hrošaj, vialikaja partyja darahoj arhtechniki, a taksama dakumienty ab ažyćcioŭlenych pieravodach bujnych sum na radzimu. Svaich kryŭdzicielaŭ u zatrymanych apaznali i ašukanyja piensijaniery.
U dačynieńni da padazronych u machlarstvach raspačaty kryminalnyja spravy, pravodziacca nieabchodnyja śledčyja dziejańni.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary