«My nie pavinny dapuścić razavaj devalvacyi — heta budzie zhubna dla ekanomiki», — zajaviła staršynia praŭleńnia Nacyjanalnaha banka Nadzieja Jermakova 18 vieraśnia ŭ chodzie anłajn-kanfierencyi na sajcie BiełTA.
Pavodle jaje słoŭ, razavaja devalvacyja «nie dała taho vyniku, jaki chacieli atrymać». «Napeŭna, jana ŭ pryncypie redka daje čakany vynik. Tamu biahučaja płyŭnaja devalvacyja, jakaja praduhledžana zychodziačy ź siaredniaha kursu rubla, jaki pavinien pracavać u ekanomicy (toje, što my kazali pra 9.500 rubloŭ za dalar), — heta taksama i jość devalvacyja», — skazała Jermakova.
Kiraŭnik Nacbanka zaŭvažyła, što pastupovaja devalvacyja idzie.
«Choć u pryncypie pastupovaja i płyŭnaja devalvacyja nazirajecca va ŭsich krainach: toj ža dalar pastajanna devalvujecca, jon nie staić na miescy. Heta ž tyčycca i jeŭra, i luboj inšaj valuty. Tamu skazać adnaznačna, što my pojdziem u advarotny bok — što ŭ nas budzie revalvacyja, ja nie mahu», — zajaviła Jermakova.
Sa studzienia 2009 hoda pa vierasień 2011-ha biełarusy pieražyli niekalki padzieńniaŭ nacyjanalnaj valuty.
U 2009 hodzie kurs rubla da dalara byŭ źnižany na 20,45%, u mai 2011 hoda — na 56,3%.
U vieraśni 2011-ha de-fakta adbyłasia treciaja devalvacyja. Pa vynikach dadatkovych — svabodnych — tarhoŭ na Biełaruskaj valutna-fondavaj biržy kurs dalara skłaŭ 8.600 biełaruskich rubloŭ, pieravysiŭšy ŭ 1,6 razu aficyjny, ustalavany na asnoŭnych tarhach.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary