U horadzie-spadarožniku Zasłaŭi pa-raniejšamu ŭźnikajuć prablemy z vadoj.
Pra prablemy z vadoj u Zasłaŭi «NN» pisała nieadnarazova. Voś i siońnia ranicaj z kranaŭ paciakła brudnaja vadkaść — sumna znajomaja žycharam horada-spadarožnika karcina.
Charakterna, što zdaryłasia heta na nastupny dzień paśla čarhovaha ramontu na kacielni, u časie jakoha ŭ kvaterach adklučali haračuju vadu. A z momantu štohadovaha prafiłaktyčnaha adklučeńnia vady nie prajšło i miesiaca. Darečy, prafiłaktyka sioleta ciahnułasia try tydni, a nie dva, jak u Minsku i mnohich inšych haradach. Pytańnie: čym zajmalisia kamunalniki amal miesiac, adviedzieny na prafiłaktyčnyja pracy?
Alena Palakova pierajechała žyć u Zasłaŭje ź Minska, jana nie pieršy raz źviartajecca ŭ presu ŭ suviazi z prablemaj vodazabieśpiačeńnia. «Siońnia ranicaj razmaŭlała z maładym susiedam. U ich zusim maleńkaje dzicia, niemaŭla. Kaža, što daviedvaŭsia ŭ čym sprava, akazałasia — avaryja na padstancyi. Što rabić takim siemjam? Niekatoryja ŭžo adkryta kažuć pra emihracyju z hetaj krainy», — kaža Palakova.
Pa jaje słovach, u ichnim domie mnohija nastolki aburanyja «vodnym» pytańniem, što hatovyja pierastać płacić za vadu. «Ale što heta źmienić? Nu, nie zapłacić kožnaja treciaja kvatera, i što? Raskidajuć hetyja hrošy na astatnich. Vyjściem była b najaŭnaść alternatyŭnych pastaŭščykoŭ kamunalnych pasłuh, jak u toj ža Litvie, naprykład. Ale ŭ nas toje budzie nie chutka».
Aburajuć miascovych žycharoŭ nie tolki častyja adklučeńni vady. Ale i sama maniera pracy kamunalnikaŭ. «Pišuć u abviestcy, što adklučać vadu z 10-j pa 17-ju, a nasamreč vady niama da nočy».
Alena Palakova kaža, što letaś paśla publikacyj u presie situacyja troški vypraviłasia, ale časova. «Peŭna ž čytajuć hetyja artykuły dzie treba, reahujuć. A potym usie pa-staromu. I što z hetym usim rabić, kudy jašče źviartacca?»
***
Karysnyja kantakty
Žyllova-kamunalnaje ŭpraŭleńnie «Zasłaŭje»
Adras: vuł.Savieckaja, 134, 223034, h.Zasłaŭje.
Kantaktnyja telefony: teł.: 544 21 01 (pryjomnaja), 544 30 25 (faks), 544 30 00 (načalnik ŽKU), 544 42 73 (namieśnik načalnika ŽKU)
Načalnik učastka vodapravodna-kanalizacyjnaj haspadarki: 544 30 37
Načalnik učastka kacielni i ciepłavych sietak: 544 43 23
Načalnik biuro sanačystki: 544 30 27
Upraŭleńnie žyllova-kamunalnaj haspadarki Minskaha abłvykankama
Teł. (8017) 3286772
Minski zanalny centr hihijeny i epidemijałohii
vuł. Pieršamajskaja, 16a, 223053, p. Baraŭlany
Hałoŭny ŭrač Maroz Eduard Anatoljevič
Teł.pryjomnaj (8-017) 505 28 46.
Kamitet dziaržkantrolu pa Minskaj vobłaści
220013, h. Minsk, vuł. P.Broŭki, d. 3, korp. 2
Teł. 8017284 13 38
e-mail: [email protected]
Maładziečanski mižrajonny KDK
222310, h. Maładziečna, vuł. Taŭłaja, 4
Teł. 8 0176 77 14 54.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5757
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz57
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary