Na prajeznaj častcy pierad tramvajnymi prypynkami ŭ Minsku pa inicyjatyvie DAI ŭstalavali šumavyja pałosy, paviedamiła kiraŭnikpres-słužby DAI Minska Taćciana Charlinskaja.
Pakul heta tolki ekśpierymient, pałasy źjavilisia na vulicach Daŭhabrodskaj, Pieršamajskaj i Uljanaŭskaj. Čakajecca, što za košt adčuvalnaj u sałonie aŭtamabila vibracyi takija kanstrukcyi buduć nahadvać kiroŭcam ab nieabchodnaści być maksimalna ŭvažlivymi.
Praanalizavaŭšy efiektyŭnaść, DAI razhledzić metazhodnaść ustanoŭki takich kanstrukcyj na ŭsich vulicach horada, dzie majecca tramvajny ruch, adznačyła Taćciana Charlinskaja.
Pałosy zrobleny ź pienabietonu i majuć vyšyniu nie bolš za 1 sm. Tamu ŭ adroźnieńnie ad tak zvanych śpiačych palicejskich kiroŭcy mohuć nie spyniacca, kab ich pieraadoleć.
Pa słovach Taćciany Charlinskaj, za apošnija paŭtara hoda ŭ stalicy pablizu tramvajnych prypynkaŭ adbyłosia 22 DTZ, u jakich 1 čałaviek zahinuŭ i 23 paciarpieli.
«Šumavyja pałosy pavinny stanoŭča adbicca na biaśpiecy darožnaha ruchu i pamienšyć sumnuju statystyku», — adznačyła jana.
Kamientary