Leanid Zaika: Kab vyžyć, IP pavinny źmianić farmat pracy
Indyvidualnyja pradprymalniki, jakija chočuć zachavać biźnies va ŭmovach Biełarusi ŭ miežach Mytnaha sajuza, pavinny kardynalna źmianić farmat svajoj dziejnaści. Takoje mierkavańnie vykazaŭ ekanamist Leanid Zaika, vystupajučy 15 lipienia ŭ Minsku na pasiadžeńni kruhłaha stała, pryśviečanaha prablemam małoha i siaredniaha biźniesu.
U mierapryjemstvie ŭziali ŭdzieł lidary pradprymalnickich kołaŭ biełaruskich rehijonaŭ i stalicy, u pryvatnaści staršynia arhkamiteta pa stvareńni prafsajuza indyvidualnych pradprymalnikaŭ «Razam» Iryna Jaskievič (Viciebsk) i staršynia kaardynacyjnaha savieta pradprymalnikaŭ Minska Aleś Makajeŭ.
Udzielniki kruhłaha stała padzialilisia svaim bačańniem prablem małoha pradprymalnictva ŭ śviatle ŭviadzieńnia 1 lipienia patrabavańniaŭ techničnaha rehłamientu Mytnaha sajuza «Ab biaśpiecy pradukcyi lohkaj pramysłovaści», jaki vyklikaŭ šyroki rezanans siarod pradprymalnikaŭ i pryvioŭ da zabastovak na rynkach i ŭ handlovych centrach u kancy červienia — pačatku lipienia.
Pavodle słoŭ Zaiki, jon nie bačyć sensu ŭ tym, kab pradstaŭniki małoha i siaredniaha biźniesu Biełarusi «praciahvali pracu ŭ jakaści indyvidualnych pradprymalnikaŭ jašče 20 hadoŭ».Jon ličyć, što składanaści, źviazanyja z uviadzieńniem zhadanaha techrehłamientu, ź`iaŭlajucca dla IP sihnałam «da źmieny farmatu svajho žyćcia, kirunku i stratehii svajoj dziejnaści». «Usio, što źviazana z rynkami, kijoskami, maleńkimi mietaličnymi karobačkami, budkami, — heta pryviadzie vas u tupik», — skazaŭ ekanamist pradprymalnikam.
Dla vyžyvańnia ŭ rehijonach Zaika paraiŭ pradprymalnikam stvarać prahramy raźvićcia handlovaj infrastruktury. «Vy pavinny pabudavać sabie novyja budynki i pierabracca ŭ ich, — skazaŭ jon. — Nie siadzicie ŭ hetych mietaličnych budkach.Prapanujcie (miascovym uładam. — BiełaPAN.) stvaryć novuju sistemu handlovaj, sacyjalnaj infrastruktury, śfiery absłuhoŭvańnia. U toj ža čas, kali chočacie vyžyć, vam treba stvaryć ułasnuju handlovuju sietku, svaje chołdynhi».
Ekanamist padkreśliŭ, što kali nie prytrymlivacca hetych rekamiendacyj, to mały biźnies u Biełarusi ryzykuje być vycieśnienym z rynku bujniejšymi hulcami.
Pavodle mierkavańnia Zaiki, nie varta vinavacić u biedach pradprymalnikaŭ techničnyja rehłamienty, bo heta «absalutna narmalnaja reč, jakaja ŭstanaŭlivajecca ŭ metach achovy spažyŭca pa paramietrach biaśpieki, nadziejnaści».Jon pryvioŭ prykład Jeŭrasajuza, techrehłamienty jakoha «praktyčna supadajuć z techrehłamientami SND».
«Ale ŭ ES standartyzacyja i pryniaćcie rehłamientaŭ — mašyna, jakaja daŭno pracuje, i vykonvajecca jaje hałoŭny pryncyp: stvareńnie aptymalnych umoŭ dla spažyŭca. Toje, što adbyvajecca ŭ Biełarusi, varta razhladać jak staŭleńnie ŭłady da ŭłasnaści i biźniesu.
Vydavać siertyfikaty, usie dakumienty, jakija tyčacca paćviardžeńnia jakaści tavaru, pavinny vytvorcy, u krajnim vypadku aptovyja kampanii.Vas naohuł nie pavinny čapać. Vina za toje, što tak nie adbyvajecca, lažyć na čynoŭnikach Biełarusi i Mytnaha sajuza», — padahulniŭ ekanamist.
Kamientary