Administracyjnaja adkaznaść pavinna pahražać pakupnikam kantrabandnych cyharet i ałkaholu — tak u sieradu pastanaviŭ urad Litvy.Płanujecca, što štraf moža składać ad 100 litaŭ (330 tys. biełaruskich rubloŭ) da dziasiatkaŭ tysiač litaŭ, paviedamlaje Delfi.
Da hetaha času štrafavali tolki za zachoŭvańnie, pieravozku i raspaŭsiud akcyznych tavaraŭ.
Jak viadoma, u Litvie cyharety kaštujuć niatanna i častkova kantrabandna ŭvoziacca ź Biełarusi.
Adnak zakony, pry jakich nie praduhledžana adkaznaść pakupnikoŭ nielehalnaha tavaru, zaachvočvajuć kantrabandu.
U prajekcie prapanujuć dyfierencavać štrafy ŭ zaležnaści ad koštu nabytych tavaraŭ, dadaje Delfi.
Štraf ad 100 da 300 litaŭ (330 tys. — 1 młn rubloŭ) z kanfiskacyjaj tavaraŭ naležyć pakupnikam kantrabandy na sumu nie bolš za 260 litaŭ.
Kali košt tavaraŭ pieravysić 260 litaŭ, ale budzie mienš za 1 300 litaŭ (4,29 młn biełaruskich), to štraf składzie 1 000 — 5 000 litaŭ (3,6 młn — 16,5 młn biełaruskich) z kanfiskacyjaj. Štraf u pamiery 5 000 — 10 000 litaŭ (16,5 młn — 33 młn biełaruskich) i kanfiskacyja pahražajuć, kali košt kantrabandy pieravysić 1 300, ale budzie nie bolš za 6 500 litaŭ (21,4 młn biełaruskich).
Kali košt kantrabandnych tavaraŭ pieravysić 6500 litaŭ, to pahražaje štraf ad 10 000 da 20 000 litaŭ (33 młn — 66 młn biełaruskich rubloŭ).
Košt kantrabandnych tavaraŭ prapanujuć padličyć pa ich mytnym košcie, uklučajučy nieabchodnyja padatki.
Prajekt zakona, prapanavany Miniustam, razhledzić parłamient.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary